KEK`u nuk fal
Korporata Energjetike e Kosovës nuk e ka ndërmend të falë asnjë borxh të konsumatorëve të vet. Kjo korporatë nuk do t’i ndalojë aksionet për shkyçje nga rrjeti elektrik borxhlinjtë e saj, deri në pagesën e centit të fundit. E dilemat se mund të hiqen borxhet me momentin e privatizimit të kësaj korporate i heqin drejtuesit e KEK`ut. Ata thonë se kjo nuk do të ndodhë në asnjë mënyrë.
Pavarësisht procesit të privatizimit, KEK’u nuk do të shlyejë e as të reduktojë asnjë borxh.
Borxhet prej 350 milionë eurove të grumbulluara me vite mund ta rrezikojnë këtë ndërmarrje gjatë procesit të futjes së kapitalit privat në të.
Borxhet e kontestuara, për menaxhmentin e korporatës, janë një masë e përkohshme dhe assesi nuk nënkuptojnë falje të borxhit.
Viktor Buzhala, zëdhënës i KEK’ut, thotë se korporata në asnjë rrethanë nuk do të heqë dorë nga asnjë borxh që konsumatorët kanë, që është faturuar në bazë të shpenzimit dhe për të cilin nuk ka fakte që e kontestojnë atë.
Ai tregon se pjesa e atyre që nuk paguajnë faturat vazhdimisht është në rënie. Buzhala thekson se darët do të përdoren gjithnjë e më tepër deri në pagesën e centit të fundit. “KEK ua bën të qartë të gjithëve se pavarësisht privatizimit që është në proces, nuk do ta amnistojë asnjë individ. Prandaj, asnjë konsumator të mos kujtojë se për shkak të privatizimit do t’i hiqet borxhi apo do t’i reduktohet ai, sepse kjo nuk do të ndodhë”, tha Buzhala për Express.
Të gjithë ata që hezitojnë t’i paguajnë faturat dhe pengojnë punëtorët e korporatës, ai thotë se do të kenë punë edhe me Policinë e Kosovës dhe gjykatat.
Tashmë ka hyrë në fuqi Ligji për Energji Elektrike që e definon qartë se kur mund të shkyçet konsumatori, sikurse rregullat e Zyrës së Rregullatorit të Energjisë.
“Në këtë situatë, çdo borxhli do të jetë i shkyçur deri në momentin e pagesës së borxhit. Politika e sotme e korporatës është që ata që paguajnë faturat do të kenë energji elektrike, ata që nuk paguajnë do të shkyçen”, tha zëdhënësi Buzhala.
Në anën tjetër, ekspertët rekomandojnë që të gjinden modele për faturimin dhe inkasimin e energjisë elektrike në të gjithë territorin e Kosovës. Ish ministri i Energjisë dhe Minierave, Et’hem Çeku, vlerëson se të gjitha këto borxhe janë dhe do të jenë pengesë e zhvillimit të kësaj ndërmarrjeje.
“Borxhet e krijuara do t`i sjellin shumë probleme gjatë procesit të privatizimit, pasi që investitori do t’i llogarisë të gjitha në ofertën që do ta bëjë dhe do t’i vendosë në pakon e riskut”, thotë Ceku.
Ai thotë se KEK’u duhet të gjejë modele për të faturuar dhe inkasuar në të gjitha pjesët e vendit. Për të gjitha ato fatura të papaguara, të cilat janë të vjetruara dhe paushallë për një periudhë të caktuar kohore, ai thotë se duhet të gjendet një zgjidhje për rishikimin e tërësishëm të tyre.
Sekretari i Odës Ekonomike të Kosovës, Berat Rukiqi, konsideron se borxhet janë problem sistematik për KEK’un.
“Nuk ka funksionuar asnjë strategji e arkëtimit në këtë ndërmarrje dhe kjo do të ketë impakt negativ gjatë privatizimit”, thotë Rukiqi. Në të njëjtën kohë, ai tha se qytetarët duhet të jenë më të rregullt, pasi që rryma është një shërbim që ka vlerë.
Problemet me faturimin dhe inkasimin e keq i kanë kushtuar edhe korporatave të shteteve fqinje. Si shembull është rasti i shitjes së kompanisë së energjisë elektrike në Maqedoni, e cila është blerë nga investitori austriak “EVN AG” në vlerë prej 225 milionë eurosh. Procesi i privatizimit është nisur tash sa kohë nga qeveria, por asnjë vendim konkret s`ka