KIEV – Rusia dhe Ukraina shkëmbejnë 300 të burgosur

KIEV, 5 shkurt /ATSH-AFP/- Rusia dhe Ukraina njoftuan sot se 150 nga ushtarët e tyre të kapur ishin pjesë e shkëmbimit të fundit të robërve të luftës midis dy vendeve ndërluftuese.

Të dyja palët shkëmbejnë rregullisht të burgosurit e luftës si një nga format e vetme të bashkëpunimit midis Kievit dhe Moskës në mes të luftës gati 3-vjeçare.

“Disa nga djemtë kishin qenë në robëri për më shumë se dy vjet”, tha presidenti ukrainas Volodymyr Zelensky në një postim në media sociale.

Zelensky tha se 150 trupa ukrainase po ktheheshin në vend, por nuk përmendi dorëzimin e ndonjë ushtari rus.

Ministria ruse e Mbrojtjes tha se kishte shkëmbyer 150 trupa ukrainase të kapur – për kthimin e 150 rusëve të mbajtur nga Kievi.

“Trupat e saj i janë nënshtruar kontrolleve mjekësore në Bjellorusinë aleate përpara se të ktheheshin në Rusi”, tha ai.

Zelensky postoi foto që tregonin trupat, disa të veshura me flamuj ukrainas, të ulur në një autobus gjatë kthimit për në Ukrainë.

Të dyja palët thanë se marrëveshja u ndërmjetësua nga Emiratet e Bashkuara Arabe, të cilat kanë ndihmuar ndërmjetësimin e shumë shkëmbimeve të tilla. //a.i/