KLD-ja nis procedimet ndaj gjyqtareve

Tirane- Tre gjyqtaret ushtarake qe gjykuan dhe liruan Mihal Delijorgjin si dhe nente kolege te tjere te tyre, do jene nder gjyqtaret e pare qe do procedohen ne mbledhjen e radhes nga Keshilli i Larte i Drejtesise. Por ne krahasim me heret e tjera, salla e "gjyqit" per 12 gjyqtaret nuk do te zhvillohet ne ambientet e KLD-se, por do te transferohet neper qytete. Drejtoresha Juridike, Ana Shkembi ka bere me dije dje se mbledhja e radhes, e cila do te zhvillohet diten e premte do te nise me procedimin disiplinor te dy gjyqtareve, Murat Lleshi e Mirela Mishgjoni. Kjo mbledhje do te zhvillohet ne qytetin e Dibres. Sipas Shkembit, pas dy gjyqtareve "gjyqi" do t'iu behet tre gjyqtareve te cilet akuzohen per favorizim te Mihal Delijorgjit, nje nder shkaktaret e tragjedise se Gerdecit. Shkembi deklaroi se stacioni i radhes per mbledhjen e KLD-se nuk do te jete selia e perhershme ne Tirane, por Dibra dhe me pas per cdo mbledhje do te percaktohet nje tjeter qytet. Mbledhja do te drejtohet nga kreu i KLD-se, presidenti Bamir Topi, nderkohe qe rend dite jane procedimet disiplinore te depozituara nga Ministria e Drejtesise ne Keshill apo dhe nga Inspektoriati i KLD-se per 12 gjyqtare apeli apo dhe te Shkalles se Pare. Diten e premte, anetaret e KLD-se te drejtuar nga Kreu i Shtetit, njekohesisht kryetar i Keshillit, ne qytetin e Dibres do te vijojne me mbledhjen e radhes, ne te cilen do te procedohen dy gjyqtaret, Murat Lleshi, gjyqtar prane Gjykates se Rrethit Gjyqesor Mat, dhe Mirela Mishgjoni, gjyqtare prane Gjykates se Rrethit Gjyqesor Vlore. Nderkohe qe, sipas te njejtave burime zyrtare, ne vazhdimesi te cdo mbledhjeje te KLD-se do te procedohet me "gjykimin" ndaj 10 gjyqtareve te tjere, konkretisht prane gjykatave te rretheve gjyqesore Mat, Sarande, Tirane, Elbasan si edhe te Gjykatave se Apelit: Tirane, Vlore si dhe te Apelit Ushtarak, per te cilet, jane depozituar kerkesat per procedim prane ketij Keshilli. Te gjithe gjyqtaret te cilet do te procedohen per mase disiplinore nga ana e Keshillit te Larte te Drejtesise jane kapur me shkelje nga inspektorati i Ministrise se Drejtesise. Shkeljet e tyre kane qene te ndryshme, duke nisur qe ne zvarritje te zbardhjeve te vendimeve, por edhe ne shkelje gjate procesit te gjykimit. Keshtu 12 gjyqtaret jane te paret qe do te hapin seancat e gjate te procedimeve disiplinore. Ne kerkesat e derguara nga ana e ministrit te Drejtesise jane edhe 10 gjyqtare te tjere nga Gjykata e Apelit Tirane, te cileve iu eshte dashur 6 muaj e 21 dite per te zbardhur nje vendim duke i mohuar te drejten paleve, qe te gjykohen nga nje shkalle tjeter.

Gjyqtaret qe do procedohen

Rasim Doda

Nevrije Halo

Enkelejda Kashuri

Taulant Tafa

Shaqir Gradica

Ylli Minka

Naum Pejo

Alaudin Malaj

Meme Rexho

Murat Lleshi

Mirela Mishgjoni

Gjin Gjoni