KQZ Do blejme 7.5 mln flete votimi per 3.1 mln votues
Komisioni Qendror i Zgjedhjeve miratoi numrin e fleteve qe do te perdoren me 8 maj duke i ndare ato edhe sipas qendrave te votimit. Sipas vendimit te djeshem KQZ do te porosise 7 446 294 flete votimi per nje numer prej 3.1 milione zgjedhesish.
Kryetaret e njesise vendore kane derguar te dhena per cdo qender votimi dhe listen perfundimtare te zgjedhesve. Komisionit Qendror te Zgjedhjeve duhet te miratoje sasine e fleteve te votimit mbeshtetur ne numrin e zgjedhesve plus 2 per qind shtese mbi numrin e zgjedhesve. Jane administruar dhe i kemi paraqitur per cdo qender votimi- deklaroi drejtori i logjistikes Petrit Gjokuta.
Por dergimi i listes perfundimtare nga kreret e njesise vendore nuk ka kaluar pa debate ne mbledhjen e djeshme te Komisionit Qendror te Zgjedhjeve. Perfaqesuesi ligjor i Partise Socialiste Genc Gjoncaj hodhi dyshime per menyren e dergimit te listes se zgjedhjeve nga kreret e njesive vendore drejt Komisionit Qendror te Zgjedhjeve apo prefektit.
Sipas tij posta elektronike nuk parashikohet nga Kodi Zgjedhor dhe kreret e njesive vendore mund te kene kryer manipulime me te. Sipas drejtorit Gjokuta rreth 50 e listes ka mberritur ne KQZ ne formen e postes elektronike.