KQZ: Masat qe jane marre per procesin zgjedhor

Anetaret e Komisionit Qendror te Zgjedhjeve i njohen dje ekspertet e Komisionit Evropian, mbi procedurat e pergatitjes se zgjedhjeve dhe kohen e limituar qe kane per realizimin e zgjedhjeve te 28 qershorit. Ne takimin e zhvilluar ne ambientet e KQZ-se, kryetari i ketij komisioni, Arben Ristani, informoi monitoruesit e pare te OSBE/ODIHR, mbi hapat qe po ndiqen ne realizimin e zgjedhjeve te lira dhe te ndershme. Burime nga takimi, pohuan per gazeten, se Ristani u kerkoi vezhguesve, qe te jene te pranishem jo vetem gjate pergatitjes se zgjedhjeve, por edhe gjate zhvillimit te tyre. Si nje domosdoshmeri per nje proces transparent parazgjedhor. Kreu i KQZ-se, informoi ekspertet e huaj per punen qe deri me sot Komisioni me i larte Zgjedhor ka realizuar per zgjedhjet e 28 qershorit. Gjate bisedes, u permend dhe fondi qe ky Komision ka per zhvillimin e procesit elektoral sipas standardeve te kerkuara. Ne takim u fol dhe mbi te rejat qe sjell Kodi Zgjedhor, si dhe angazhimin qe KQZ ka ne zbatimin korrekt te tij. Delegacioni qe mberriti dy dite me pare ne Tirane, eshte i pari qe vjen per monitorimin e procesit te pergatitjeve te zgjedhjeve parlamentare. Pas takimeve dhe vjeljes se informacioneve, ekspertet do te hartojne nje raport, ne fund te ketij muaji. R. R.