KQZ i hap rruge referendumit per importimin e plehrave

Komisioni Qendror i Zgjedhjeve ka miratuar dje kerkesen e organizatave te shoqerise civile dhe atyre mjedisore per sa i perket importit te mbetjeve urbane duke i hapur rruge mbledhjes se firmave per referendum popullor. Me nje vendim unanim KQZ-ja ka miratuar formularin tip ku regjistrohen qytetaret qe kane vullnetin per referendum kunder ligjit ne fjale dhe qe mandej do te dorezohet serish ne KQZ per te bere verifikimet e nevojshme. Gjate diskutimeve perfaqesuesi elektoral i Partise Demokratike Njazi Kosovrasti ka kerkuar saktesimin e procedurave per ceshtjen e mbledhjes se firmave dhe origjinalitetit te firmes per te mos lejuar manipulime. Behet fjale per 50 mije firma qytetaresh te cilet nese do te shprehin vullnetin e tyre do te vene ne levizje mekanizmin e referendumit per te rrezuar dy nene te ligjit per importin e mbetjeve urbane. Ne kunderpergjigje perfaqesuesi i PS-se Eridian Salianji eshte shprehur se kontrolli i saktesise se dokumentacionit eshte nje procedure qe vihet ne zbatim ne nje faze te dyte pra ne momentin kur nismetaret depozitojne formularet e plotesuar. Sipas kreut te KQZ-se Ristani diskutimi ne fjale synonte te krijonte nje procedure te sakte per te shmangur problemet dhe ne kete kuader Kosovrasti propozoi madje miratimin e nje Akti Normativ qe do te rregullonte cdo gje ne kete drejtim ne reference edhe te nenit 128 te Kodit Zgjedhor.