KQZ-ja i hap rrugen miratimit te tabelave te rezultateve per Tiranen
Rezultati i zgjedhjeve lokale te 8 majit per kryetarin e ri te Bashkise se Tiranes transferohet plotesisht ne Komisionin Qendror te Zgjedhjeve. Pas ditesh diskutime institucioni i drejtuar nga Arben Ristani ka miratuar vendimin qe sanksionon procedurat qe do te ndiqen me qellim hartimin e tabeles permbledhese per Bashkine e Tiranes. Vendimi ne fjale vjen ne nje kohe kur te gjitha Komisionet e Zones se Administrimit Zgjedhor ne kryeqytet kane dorezuar zyrtarisht tabelat e tyre permbledhesve cka i lejon madje e detyron KQZ-ne qe te nise punen e nxjerrjes se tabeles se pergjithshme qe eshte edhe pasqyra zyrtare e rezultatit final. Nje shpjegim konkret i aktit te djeshem eshte i nevojshem per te krijuar nje ide mbi ate pune qe do te prodhoje mandej edhe shifren e vene aktualisht ne diskutim. Keshtu sipas vendimit te marre me 7 vota pro dhe asnje kunder KQZ perkufizoi se Tabela Permbledhese e Rezultatit printohet nga baza e te dhenave te krijuar nga transmetimi i rezultatit te cdo qendre votimi nga vendet e numerimit te votave perkatese ne KQZ.... Ky paragraf eshte i kushtezuar ne realizimin e tij nga nje sere veprimesh te tjera te detajuara ne aktin e djeshem te cilat parashikojne krahasime mes te dhenave ekzistuese ne sistemin e krijuar nga KQZ me tabelat origjinale te cdo QV te ardhura fizikisht ne institucion nga KZAZ-te e kryeqytetit. Pikat e tjera te nenrenditura si funksion i qellimit kryesor sqarojne me mire rrugen qe do te ndiqet. Krahasohen rezultatet ne tabelen permbledhese origjinale te rezultateve te miratuara nga KZAZ-ja me tabelat origjinale per cdo qender votimi dhe me pas keto tabela origjinale krahasohen me rezultatet per subjektet perkatese qe ndodhen ne bazen e te dhenave thuhet ne piken 2.1 te aktit. Me tej KQZ do te jete ne korrent te cdo veprimi te kryer cdo perputhjeje ose mosperputhjeje me qellim mbajtjen e dinamikes se procesit por edhe zbatimit te Kodit Zgjedhor qe i njeh te drejten komisionit te korrektoje gabimet e verifikuara dhe te nxjerre rezultatin bazuar mbi rezultatin real. Perputhjet dhe mosperputhjet e verejtura mbahen shenim dhe i raportohen KQZ-se. Pas dhenies se pelqimit nga KQZ-ja behen rregullimet perkatese ne bazen e te dhenave dhe prej saj Tabela Permbledhese e Rezultateve per Bashkine e Tiranes thuhet ne vijim ne aktin e djeshem. Si mbikeqyres te procedurave komisioni ka caktuar sekretarin e pergjithshem te institucionit dhe drejtorin e IT-se si dy nepunes pergjegjes per te. Si baze ligjore per te gjithe kete projekt akt kane sherbyer dy nene ai 21 dhe ai 123 qe perkufizojne me hollesi detyrimet e KQZ-se ne kete drejtim. KQZ-ja nxjerr rezultatet e votimit per zonen zgjedhore ne baze te tabelave te rezultateve te nxjerra nga cdo KZAZ e zones zgjedhore perkatese. Per kete KQZ-ja ploteson Tabelen e Permbledhese te Rezultatit per Zonen Zgjedhore dhe e miraton ate me vendim jo me vone se 48 ore nga mberritja e te gjitha tabelave te Zones Zgjedhore. Kur gjate llogaritjes se tabeles KQZ-ja kryesisht ose me kerkese te paleve veren mosperputhje te shifrave te tabeles permbledhese me tabelat e rezultateve te qendrave te votimit merr vendim per miratimin e Tabeles Permbledhese te Rezultatit me shifrat e korrigjuara duke u bazuar ne origjinalet e tabelave te qendrave te votimit thuhet ne nenin 123. Ne kete kuader me interes eshte fakti se procesi po nis pa nje tabele te miratuar qe eshte ajo e KZAZ-se nr. 49 e cila pergjigjet per njesine bashkiake nr. 5 per arsye se tabela permbledhese e saj ka mberritur ne KQZ me 3 firma pro dhe 4 kunder. Per kete arsye komisioni ka bere te ditur se do te ndermarre veprime per te miratuar vete kete tabele e cila me gjase do te jete percaktuese edhe sa i perket procesit ankimor qe eshte paralajmeruar te pakten nga Partia Demokratike. Po ne kete kuader perfaqesuesi ligjor i PS-se Genc Gjoncaj ka kerkuar shkarkimin e 4 anetareve te KZAZ nr. 49 te cilet sipas tij kane shkelur ligjin sistematikisht.