KQZ nxjerr sot rezultatin e zgjedhjeve, miratohen dy qarqet e fundit

TIRANË- KQZ do të shqyrtojë sot projektvendimin për tabelat e rezultateve përfundimtare zgjedhore për qarqet e Vlorës dhe Lezhës. Miratimi i këtyre tabelave shënon dhe përmbylljen e rezultateve përfundimtare për të 12 qarqet e vendit. Rezultatet paraprake të publikuara nga KQZ më 3 korrik, nxorrën fitues koalicionin e djathtë "Aleanca e ndryshimit" me 46.69% të votave ose e kthyer në mandate me 71 vende në parlament. Pas tij, u rendit koalicioni i majtë "Bashkimi për ndryshim" me 45.36% të votave ose 65 vende në Kuvend, e ndjekur nga "Aleanca Socialiste për Integrim" me 5.56% të votave ose 4 vende në parlament. Sipas Kodit Zgjedhor, vendimi për tabelën e rezultateve mund të ankimohet në KQZ jo më vonë se tre ditë nga shpallja e tij. Pas këtij hapi, KQZ nis shqyrtimin e ankesave të partive. Dje Partia Socialiste ankimoi rezultatin e Fierit dhe Beratit dhe vetëm pas shqyrtimin të këtyre ankesave do të kemi rezultatin zyrtar të zgjedhjeve që pritet të shapllet në fillim të gushtit.