KQZ, zevendeson komisioneret e PS
Komisioni Qendror i Zgjedhjeve, zevendesoi dje me kater vota pro dhe asnje kunder, komisioneret e Zonave te Administrimit te Zgjedhjeve (KZAZ). Komisionere qe ne baze te Kodit Zgjedhor, duhet te ishin dorezuar nga forcat e majta politike, Partia Socialiste dhe ajo Bashkimi per te Drejtat e Njeriut. Pas vendimit te djeshem te KQZ-se, 66 komisioneret e perzgjedhur, nga 127 te cilet aplikuan per kete post, do te nisin me 8 mars, diten e marte, punen e tyre per pergatitjen per zgjedhjet lokale te 8 majit. "Kemi vetem pese dite kohe, duhet te ngrihen te 66 KZAZ, dhe duhet te pakten te kemi nje fillim te trajnimit. Do te emerojme prane te gjitha KZAZ-ve me numer tek, nga 1 deri tek 66, keta persona, qe do te jene sekretar te KZAZ. Nje e vecante, eshte se kete here do te jene edhe juriste", u shpreh dje kreu i KQZ-se, Arben Ristani. Sipas tij, kandidatet e pavarur kane afat deri me 8 mars per te dorezuar dokumentacionin e nevojshem, ndersa beri thirrje per te filluar urgjentisht puna ne KZAZ-te, puna e te cilave ne fakt duhet te kishte nisur me kohe. Sipas vendimit te djeshem, ashtu sic informoi dhe kreu i KQZ-se, personat e perzgjedhur ne vend, te komisionereve qe duhet t'i kishte sjelle PS dhe PBDNJ, jane njerez te pa politizuar. 33 prej tyre jane juriste dhe u zgjodhen ne postin e sekretareve dhe 33 personat e tjere jane te zgjedhur nga ata qe kane aplikuar, me arsim te larte dhe do te mbajne postin e anetareve te katert te KZAZ-ve. Cka ploteson edhe numrin e nevojshem per kuorum dhe votim ne keto komisione ne zgjedhjet e 8 Majit. Diten e premte, KQZ do t'i pajise me bazen materiale dhe deri me date 8 mars, komisioni i nivelit te dyte duhet te ngreje grupet e regjistrimit te kandidateve te pavarur. Po diten e djeshme, KQZ miratoi edhe perfundimisht modelet e kater fleteve te votimit me te cilat do te votojne shqiptaret. Keshtu, fleta e verdhe ne format A4, do te jete per kandidatet per kryebashkiake, ajo ne ngjyre jeshile A3 per keshilltaret e bashkise, ne te cilen nuk do te shenohet koalicioni por vetem partite. Ndersa fletet me ngjyre roze dhe gri, do te perdoren veten ne Tirane ku votohet dhe per minibashkite. R. Rapushi