Ka vijuar edhe sot në gjykatë dëshmia e penduarit të “Bandës së Durrësit”

Seanca  ndaj "Bandës së  Durrësit", ka vijuar sërish sot  me dëshminë e të penduarit të  kësaj bande,  Adriatik Coli. Gjatë kësaj seance,  e realizuar  me dyer të mbyllura për mediat, Coli mësohet se ka dëshmuar lidhur me disa episode kriminale si vrasje të ndodhura vite më parë në Durrës. Kjo është seanca e tretë që zhvillohet në Gjykatën e Krimeve të Rënda,  ku bashkëpuntori i drejtësisë,  Adriatik Coli ka dëshmuar në procesin për anëtarët e  "Bandës së  Durrësit".  Dëshmia e Colit, cilësohet nga Prokuroria e Krimeve të Rënda si një nga provat më të rëndësishme të saj për zbardhjen dhe dokumentimin ligjor të  aktivitetit kriminal të kësaj bande. Prokuroria akuzon si anëtarë të "Bandës së Durrësit",  16 persona, të cilët janë arrestuar në këto katër vitet e fundit në operacione të ndryshme policore, si  brenda ashtu dhe jashtë Shqipërisë. Të pandehurit dyshohen se janë autorë të një sërë ngjarjesh kriminale si  disa  vrasje e trafiqe ilegale të ndodhura para disa vitesh në Shqipëri.