Kaçaniku zgjedh kryetarin e komunës, më 17 qershor votimi
Presidentja e Kosovës, Atifete Jahjaga, sot ka marrë vendim që zgjedhjet e jashtëzakonshme për kryetar të Komunës së Kaçanikut, të mbahen më 17 qershor të këtij viti, ka njoftuar presidenca e Kosovës.
Ky vendim është marrë në harmoni me ligjet e Kosovës, në marrëveshje me partitë politike dhe me KQZ-në.
Me këtë vendim, udhëzohet KQZ-ja që t`i ndërmarrë të gjitha veprimet e nevojshme për organizimin e këtyre zgjedhjeve, thuhet në fund të njoftimit.