“Kafazi i pellumbave”, zbulohet strofkulla e falsifikimeve

Artan Cena
”Kafazi i Pellumbave” zbulon strofullin e fabrikimit te dokumenteve te rreme ne kryeqytet. Nje numer i madh vulash e materialesh te falsifikuara te ministrive, bashkive e komunave te ndryshme u bllokuan oret e para te mengjesit te djeshem, pas operacionit te agjenteve te krimit ekonomiko-financiar. Dy persona u kapen ne flagrance si pronare dhe prodhues te dokumenteve, ndersa per dy jave me radhe jane perdorur agjente te infiltruar qe hiqeshin si kliente, qe kerkonin deftesa apo vertetime per aktivitete. Burime zyrtare thane se ndaluan Mehmet Sulaj, 46 vjec dhe Ylber Huqi, 56 vjec, ky i denuar me pare per "falsifikim”. Gjate kontrollit te shtepise se marre me qira, u zbuluan 165 vertetime e 45 vula te ministrive te Jashtme, Transporteve, Punes dhe Ceshtjeve Sociale, ambasades greke ne Tirane, minibashkive dhe shkollave te mesme.
Gjate operacionit te koduar ”Kafazi i pellumbave”, agjentet kapen ne flagrance Huqin dhe Sulajn, me nje certifikate personale dhe nje vertetim shkolle te mesme te falsifikuar. Nderkohe nga kontrollet qe policia ushtroi ne banese, u gjeten dhe sekuestruan me cilesine e proves materiale 45 vula dhe 165 dokumente, si vertetime, deshmi, certifikata e deftesa qe dyshohet se jane te falsifikuara. Gjate arrestimit te tyre nuk ka pasur kundershtime, nderkohe qe materialet jane derguar per ekspertize ne laborator.
Burime zyrtare thane se ne perfundim te kontrollit u konstatuan 70 deshmi aftesie per drejtim automjeti, 30 deshmi aftesie nderkombetare per drejtim automjeti, 10 vertetime te shkollave te mesme te Tiranes, te vulosura por te paplotesuara, 10 certifikata te regjistrimit te biznesit te vogel te bashkise te vulosura e te paplotesuara. Nderkohe qe, ne banesen e shtetasit Mehmet Sulaj, u gjeten 2 vula te falsifikuara te Drejtorise se Transportit Rrugor dhe 2 vertetime te shkolles se mesme “Andon Zako Cajupi”, te vulosura, por te paplotesuara. Prokuroria e Tiranes ka marre ne dore dosjen per te dyshuarit nen akuzen e “falsifikimit te dokumenteve zyrtare, shkollore dhe akteve te gjendjes civile”, “falsifikimit te vulave, stampave ose formulareve” dhe “prodhimit te mjeteve per falsifikim” ne bashkepunim.
Te arrestuar:
Mehmet Sulaj, 46 vjec
Ylber Huqi, 56 vjec
Akuzat:
“Falsifikimit te dokumenteve zyrtare, shkollore dhe akteve te gjendjes civile”
“Falsifikimit te vulave, stampave ose formulareve”
“Prodhimit te mjeteve per falsifikim”
Sekuestrimet :
45 vula te institucioneve
70 deshmi aftesie per makina
30 deshmi aftesie nderkombetare
10 vertetime te shkollave te mesme
10 vertetime te njesise bashkiake nr. 9
10 certifikata te biznesit te vogel
10 formulare te regjistrimit teknik
5 certifikata personale te paplotesuara
5 vertetime te Fakultetit Ekonomik
5 vertetime te hyrjes ne dogane
5 taksa regjistrimi vjetore te automjeteve
1 deshmi aftesie te tipit te ri
2 vula te Transportit Rrugor
2 vertetime te shkolles “Andon Zako Cajupi”