Sekretar komune me diplome false
Sekretari i komunes Sheze, te Peqinit, eshte arrestuar nen akuzen e falsifikimit te diplomes se deges Cikli i Ulet, ne Universitetin “Aleksander Xhuvani” te Elbasanit. Fatos Tabaku u vu ne pranga mengjesin e djeshem nga agjentet e krimit ekonomiko-financiar, pas denoncimit te bere se diploma dyshohej te ishte e rreme. Burime zyrtare thane se 38- vjecari eshte nen hetim edhe per falsifikim te nje vendimi te Keshillit te Komunes Sheze. Mesohet se pas sigurimit te diplomes ne universitet, Tabaku ka siguruar edhe vendimin e keshillit, i cili vertetonte se ai kishte perfunduar studimet e larta. Policia i ka dorezuar dokumentet grupit special te ngritur per kete qellim nga Universiteti “Aleksander Xhuvani”, i cili ka vertetuar se zyrtari nuk kishte perfunduar studimet e larta. Ne cilesine e proves materiale, policia sekuestroi diplomen false te deges Cikel i Ulet, me numer EU 18-257. Nga ekspertimet e kryera paraprakisht rezulton se emri i autorit nuk figuron ne amzen e fakultetit. Ekzaminimet daktiloskopike dhe kaligrafike vertetuan se edhe firmat e dekanit dhe rektorit jane te falsifikuara si dhe elemente te vules se ketij universiteti. Falsifikatore nga i gjithe vendi dyshohet se kane perdorur emrin e Universitetit te Elbasanit si mjetin me te shpejte dhe te sigurt per te siguruar pune apo pasuruar. Vitin e kaluar u kap nje grup i perbere nga pedagoge, studente e punonjes te universitetit, te cilet u akuzuan per korrupsion e falsifikim. Aktualisht ne kete universitet eshte ngritur nje grup special, i cili verteton diplomat false. F.Salliu