Kafshë të "robëruara", në objektiv
Artistët shqiptarë, Anri Sala dhe Fani Zguro, si dhe italiani Bruno Muzzolini do të marrin pjesë në Kolumbi në një ekspozitë kolektive në galerinë "Valenzuela & Klenner". Ekspozita kolektive e cila do të inaugurohet më 12 gusht do të paraqesë tri video të këtyre artistëve. Te videoja "Ujku" e realizuar në vitin 2008, Bruno Muzzolini, filmon në kopshtin zoologjik të Tiranës, kafshën nga merr titullin dhe vetë videoja. Një ujk qëndron pa lëvizur në këmbë, duke u dridhur brenda kafazit të tij. Telekamera shoqëron momentin statik të kafshës, dhe çdo moment që kalon e bën edhe më dramatike gjendjen depresive të ujkut, i cili frikësohet gjithmonë e më shumë sa herë që dikush kalon pranë tij.
Tek "Arena" e vitit 2001, videoja nga e cila merr dhe titullin ekspozita, Anri Sala fokusohet në mënyrë intime në ambientet e kopshtit zoologjik të Tiranës. Por në këtë video, interesimi i artistit merr karakter vëzhgues që shndërrohet në dëshmi. Telekamera, e cila lëviz në mënyrë standarde mjaft ngadalë, përpiqet të fokusojë brendinë e kopshtit zoologjik dhe peizazhin që e rrethon. E veçanta në video është fakti, sepse aty shkrihen në mënyrë të natyrshme ambientet e izoluara të kafshëve të egra me ambientin tashmë natyral të kafshëve urbane që ndodhen aty pa asnjë kuptim. Tek "Arena" përballemi me një lloj përdhunimi të natyrshëm, i cili shfaqet pa asnjë kompromis me ambientin. Koha rrjedh bosh në një hapësirë absurde, ku përveç trishtimit nuk ngre asnjë pyetje. Te "Me një rrahje të syrit (të verbër - 2008)", Fani Zguro fikson nëpërmjet objektivit të telekamerës për disa minuta syrin e sëmurë të një qeni të verbër. Përgjatë gjithë videos hasim të njëjtën situatë. Në video figuron vetëm syri i sëmurë i pastorit të verbër, i cili për të kompensuar shqisat reagon menjëherë sa herë që pranë tij lëviz diçka. Në video-audio mungon dhe i vetmi detaj i videos, ekziston në hapjen dhe mbylljen e syrit të verbër dhe të sëmurë, që krijon dhe performancën në video.
Tek "Arena" e vitit 2001, videoja nga e cila merr dhe titullin ekspozita, Anri Sala fokusohet në mënyrë intime në ambientet e kopshtit zoologjik të Tiranës. Por në këtë video, interesimi i artistit merr karakter vëzhgues që shndërrohet në dëshmi. Telekamera, e cila lëviz në mënyrë standarde mjaft ngadalë, përpiqet të fokusojë brendinë e kopshtit zoologjik dhe peizazhin që e rrethon. E veçanta në video është fakti, sepse aty shkrihen në mënyrë të natyrshme ambientet e izoluara të kafshëve të egra me ambientin tashmë natyral të kafshëve urbane që ndodhen aty pa asnjë kuptim. Tek "Arena" përballemi me një lloj përdhunimi të natyrshëm, i cili shfaqet pa asnjë kompromis me ambientin. Koha rrjedh bosh në një hapësirë absurde, ku përveç trishtimit nuk ngre asnjë pyetje. Te "Me një rrahje të syrit (të verbër - 2008)", Fani Zguro fikson nëpërmjet objektivit të telekamerës për disa minuta syrin e sëmurë të një qeni të verbër. Përgjatë gjithë videos hasim të njëjtën situatë. Në video figuron vetëm syri i sëmurë i pastorit të verbër, i cili për të kompensuar shqisat reagon menjëherë sa herë që pranë tij lëviz diçka. Në video-audio mungon dhe i vetmi detaj i videos, ekziston në hapjen dhe mbylljen e syrit të verbër dhe të sëmurë, që krijon dhe performancën në video.