Kalcin: Kandidatura e Serbisë për në BE, jo realiste

Raportuesi i Parlamentit evropian për Serbinë, Jelko Kacin, ka deklaruar se është jo reale që Serbia deri në vitin 2009 të paraqesë kandidaturën për anëtarësim në Bashkimin Europian. "Kandidatura është gjë e madhe dhe rrjedhimisht duhet të jemi realistë. Ajo nuk është lojë, por veprim me rregulla shumë të qarta përmes të cilës fitohet besimi i 27 vendeve anëtare, institucioneve të Bashkimit Europian, fqinjëve të Serbisë dhe vendeve tjera kandidate, atyre aktuale dhe të ardhshme", ka deklaruar Jelko Kacin për shtypin serb. Duke folur për qëndrimin e Holandës ndaj Serbisë, Jelko Kacin, ka pohuar se "nuk është Holanda pengesë ndërmjet Beogradit dhe Brukselit, por Ratko Mlladiq, Goran Haxhiq dhe ata që ii ndihmojnë këta persona".