Kalon në komision drafti për auditin e brendshëm
Për auditimin e brendshëm në sektorin publik. Ndryshimet e propozuara synojnë përmirësimin e standardeve të punës për realizimin e procedurave të auditimit në përputhje me ato ndërkombëtare dhe praktikat më të mira të vendeve të Bashkimit Evropian, me qëllim plotësimin e kërkesave për përafrimin e legjislacionit tonë me atë të BE-së. Deri më tani ka pasur një përvojë pozitive në fushën e auditimit të brendshëm. Ndryshimet e paraqitura sigurojnë përmirësimet e mundshme të propozuara nga ekspertë të ministrive, të shoqërisë civile, Bashkimit Evropian, etj. Gjithashtu, synohet ti jepet përgjigje një sërë problemeve që sistemi i auditimit has në punën e tij. Pas diskutimit, Komisioni e miratoi në parim projektligjin në fjalë dhe do të vijojë diskutimet nen për nen në mbledhjet e ardhshme.
BB premton projekt mbështetës për Shqipërinë
Banka Botërore do të vazhdojë të mbështesë vendin tonë me projekte edhe në të ardhmen. Menaxhere vendore e Bankës Botërore, Greta Minxhozi, u shpreh gjatë konferencës A mund të shndërrohet Shqipëria në model rajonal të zhvillimit të qëndrueshëm, se institucioni që ajo përfaqëson, ka një strategji 4-vjeçare mbështetjeje në sektorë të ndryshëm. Ministri i Ekonomisë, i Republikës së Maqedonisë, Fatmir Besimi, tha se rritja e marrëdhënieve tregtare dhe investimeve do të bëjë të mundur zhvillimin dhe integrimin e këtij rajoni. Stabiliteti dhe zhvillimi i qëndrueshëm makroekonomik, e kanë kthyer Shqipërinë në një model rajonal të zhvillimit, ishte konkluzioni i dalë gjatë konferencës së zhvilluar në mjediset e Universitetit Marin Barleti.