Kamioni me dru bie ne gremine, dy te vdekur dhe nje i plagosur

Kamioni me dru bie ne greminen e Vermoshit, vdes shoferi dhe nje punetor, plagoset rende nje i trete, kurse nje autoveture ka perplasur per vdekje nje biciklist ne aksin Lezhe-Milot. Aksidentet kane ndodhur diten e djeshme ne Lezhe dhe Malesi e Madhe, kurse policia po heton per shkaqet e ngjarjeve dhe ka nen hetim nje prej drejtuesve te mjeteve. Ngjarja me tragjike ka qene ajo e ndodhur rreth ores 14:50 te dites se djeshme, ne aksin rrugor Hot-Vermosh, ne vendin e quajtur "Fshati Brigje", ne Malesine e Madhe. Automjeti tip kamion me targa SH 4027 E, ka dale nga rruga per shkak te lageshtires, duke rene rreth 50 meter poshte. Ne vendngjarje kane mberritur grupi hetimor dhe efektive policie, qe konstatuan se mjeti i ngarkuar me lende drusore, ka dale nga rruga per shkak te motit te keq. Per pasoje kane gjetur vdekjen, drejtuesi i kamionit Gazmend Ujkaj, 34 vjec, dhe Pjerin Smajlaj, 30 vjec, ndersa ka mbetur i demtuar rende Alfred F., 22 vjec, qe eshte derguar ne spital ne gjendje kritike per jeten. Ngjarja e dyte ka ndodhur ne aksin Lezhe-Milot, mesditen e djeshme ne afersi te kryqezimit ne fshatin Rrile. Mjeti tip "Audi" me targa greke, ka perplasur nje biciklete dhe per pasoje ka humbur jeten drejtuesi Gezim Deda, i cili vdiq ne spital per shkak te plageve te marra.