Kampionati Evropian i futbollit, Delegacioni i BE-së: Suksese Shqipëri
TIRANË, 15 qershor/ATSH/ Delegacioni i BE-së në Shqipëri i ka uruar suksese Kombëtares shqiptare të futbollit në EURO2024.
“Suksese Shqipëri! Pak orë para nisjes së ndeshjes Itali – Shqipëri, ekipi i Delegacionit të BE-së në Shqipëri i uron Kombëtares suksese në kampionatin evropian të futbollit”, shkruan Delegacioni i BE-së, në një postim në rrjetet sociale.
Kombëtarja shqiptare e futbollit luan mbrëmjen e sotme ndaj Italisë, në stadiumin “Signal Iduna Park” të Dormundit, ndeshjen e parë në “EURO 2024”.
/r.e/