Kampionët tregojnë dhëmbët
SPANJE 4
IRLANDE 0
Shënues: Torres 4, 70, D.Silva 49, Fabregas 83
Spanja: Kasiljas, Arbeloa, Pike, S.Ramos, Alba, Ksavi, Buskets, Alonso (H.Martinez 65), D.Silva, F.Torres (Fabregas 73), Injesta (Kacorla 79). Trajner: Del Boske.
Irlanda: Givën, O’Shi, St.Ledxher, Djun, Uard, Daf (Mek Klin 76), Endrjus, Uhelan (Grin 80), MekGeidi, Koks, Kin. Trajner: Trapatoni.
Gjyqtar: Pedro Proença (PORTUGALI)
Kartonë të verdhë: Kin, Uhelan, St.Ledxher / Alonso, H.Marinez.
Statistikat
SPANJE IRLANDE
4 gola 0
20 goditje 3
15 goditje në kuadrat 2
5 goditje jasht렠 1
16 goditje dënimi 15
8 goditje nga këndi 2
6 pozicione jashtë loje 1
2 kartonë të verdh렠 3
0 kartonë të kuq 0
66% qarkullimi i topit 34%
Përgatiti: Ergi LUBANI
Kampionët tregojnë dhëmbët…
Spanja, shumë e fortë për Irlandën
Skuadra e Del Boskes bën poker ndaj irlandezëve. Fernando Torres, David Silva dhe Fabregas mposhtën Givënin, teksa fitorja 4-0 i jep spanjollëve kreun e Grupi C
Dominim total i Spanjës dhe kapitullim pa kushte i Irlandës. Kampionët e Europës hedhin kandidaturën për titullin e dytë radhazi europian, me një paraqitje bindëse, ndaj një kundërshtari dukshëm më inferior. Spanja fiton 4-0 ndaj Irlandës në Gdansk. Del Boske zgjedh të luajë me një sulmues të vërtetë dhe numri 9 i hedhur në fushë, Fernando Torres ia shpërblen, duke shënuar golin e avantazhit pas vetëm katër minutash lojë. Goli i pësuar në minutat e para ia pret këmbët irlandezëve, që nuk shfaqet asnjëherë përpara portës së Iker Kasiljasit. Spanja nuk arriti të shënojë një tjetër gol në pjesën e parë, megjithatë dominimi ishte total. Pasime të sakta e të dendura dhe goditje drejt portës nga çdo pozicion ia kthyen ndeshjen në makth irlandezëve dhe portierit Shei Givën. Ky i fundit ka meritë që shmangu goleadën brenda 45 minutave të para, megjithatë sapo filloi pjesa e dytë, Spanja shënoi sërish. David Silva mposhti Givënin me një goditje të saktë nga një distancë e afërt me portën, duke hipotekuar fitoren e skuadrës së drejtuar nga Visente del Boske. Alonso, Ksavi, Injesta dhe David Silva vazhduan pafundësisht me merimangën e pasimeve, duke mos i dhënë mundësinë Irlandës të tentonte ndonjë tip reagimi. Goli i tretë nuk vonoi. Këtë herë krijoi David Silva dhe shënoi Fernando Torres. Sulmuesi i Çelsit kaloi Fernando Hierron, duke arritur kuotën e 30 golave për përfaqësuesen iberike. Torres është golashënuesi i tretë më i mirë i historisë së Spanjës, pas Raul Gonzalesit dhe David Vilës. Tetë minuta para fundit spanjollët shënojnë edhe golin e katërt me anë të Çesk Fabregasit, të aktivizuar në pjesën e dytë. Për Fabregasin ky ishte goli i dytë në Euro 2012 pas atij të shënuar në barazim ndaj Italisë. Spanja ndan vendin e parë të Grupit C me Kroacinë, me nga katër pikë. Kroatët janë kundërshtari i fundit për kampionët e Europës. Italia është e treta me dy pikë. Pas humbjes 3-1 në ndeshjen e parë ndaj Kroacisë dhe disfatës së djeshme në Gdansk, Irlanda është matematikisht e eliminuar.
17 rezultate pozitive radhazi ka arritur Spanja në ndeshje zyrtare. Iberikët kanë fituar 16 ndeshje dhe barazimi i vetëm ka qenë ndaj Italisë.
20 fitore ka arritur Spanja në 21 ndeshjet në të cilat ka shënuar Fernando Torres. Përfshi edhe finalen e Euro 2008 ndaj Gjermanisë.
30 gola ka shënuar Fernando Torres me kombëtaren spanjoll, i treti në renditjen e të gjitha kohërave, pas Raul Gonzalesit dhe David Vilës.
256 është numri i ndeshjeve me kombëtaren, që formojnë së bashku dy portierët titullarë në ndeshjen e djeshme, Iker Kasiljas dhe Shei Givën.
302 gola ka shënuar Spanja në kampionet europiane, përfshi eliminatoret dhe ndeshjet e luajtura në fazën finale të këtyre veprimtarive.