Kandidatet e PD te henen regjistrimi ne KQZ
PS cakton sot orarin e dorezimit te listes. Rrethet regjistrimi i kandidateve ne KZAZ
Partia Demokratike dorezon diten e hene ne Komisionin Qendror te Zgjedhjeve listen e kandidateve te saj te cilet do te kryesojne minibashkite dhe bashkine e kryeqytetit. Perfaqesuesi i Partise Demokratike Njazi Kosovrasti pohoi per Standard se PD do te respektoje te gjitha afatet ligjore per regjistrimin e kandidateve. Dorezimi do te behet pas shpalljes publike te te gjithe emrave te perzgjedhur nga Partia Demokratike. Selia blu mesditen e sotme zyrtarizon kandidatet ne mbledhjen e Keshillit Kombetar. Ndersa burime nga selia roze deklarojne se po sot pritet zyrtarizimi kandidateve te saj per te gjitha bashkite e komunat e vendit nderkohe qe per regjistrimin ne KQZ do te ndiqet e njejta strategji ajo e dorezimit ne minuten e fundit. Subjektet politike do te dorezojne ne KQZ listen e kandidateve te tyre per 11 minibashkite dhe bashkine e kryeqytetit ndersa lista e kandidateve per bashkite dhe komunat ne te gjitha rrethet e vendit dorezohet ne KZAZ-te perkatese. Afati ligjor i dorezimit eshte 40 dite para dates se zgjedhjeve pra deri ne mesnaten e 28 marsit.
Kandidatet e kryeqytetit
12 kandidatet e Partise Demokratike per kryeqytetin perkatesisht kandidati per kryetar bashkie dhe kandidatet per kryetar te 11 minibashkive dorezohen te henen ne Komisionin Qendror te Zgjedhjeve. Perfaqesuesi i selise blu ne KQZ Njazi Kosovrasti sqaron se 28 marsi eshte afati i fundit per dorezimin e kandidateve kjo ne baze te percaktimit te Kodit Zgjedhor ku thuhet se 40 dite para dates se zgjedhjeve subjektet politike dorezojne kandidatet e tyre. Te njejten gje pritet te beje dhe Partia Socialiste. Burime nga kjo parti pohojne se sot mbledhja e kryesise zyrtarizon listen e kandidateve te saj te cilet do te perfundojne ne zyrat e KQZ-se vetem pak ore nga skadimi i afatit ligjor. Ne zgjedhjet e vitit 2009 PS dorezoi kandidatet e saj ne KQZ vetem dy ore para perfundimit te afatit ligjor. PD ka zyrtarizuar tashme Lulzim Bashen si kandidatin e saj per kryeqytetit perballe te cilit do te jete kryetari aktual i bashkise njeheresh kryetar i PS-se Edi Rama. Kryesocialisti e vetshpalli kandidaturen e tij jo para forumeve te PS-se por ne nje studio televizive.
Kandidatet ne rrethe
Ne oren 12 te nates se 28 marsit skadon afati dhe per dorezimin e kandidateve per kryetar bashkie e komune ne rrethe. Brenda ketij limiti kohor lista e kandidateve duhet te jete dorezuar ne Komisionet Zonale te Administrimit te Zgjedhjeve. Per zgjedhjet e organeve te qeverisjes vendore kandidati per kryetar komune apo bashkie dhe lista e kandidateve per keshillat vendore regjistrohen ne KZAZ-ne qe mbulon njesine e qeverisjes vendore. KZAZ-ja dorezon nje kopje te listes ne KQZ - sqarohet ne piken 1 te nenit 67 te Kodit Zgjedhor. Ndersa neni 73 i Kodit Zgjedhor sqaron se KQZ-ja ose sipas rastit KZAZ-ja verifikon rregullsine e dokumentacionit te kandidimit dhe nese veren parregullsi apo mospermbushje te kerkesave te Kodit Zgjedhor ia kthen ato subjekteve zgjedhore per korrigjim jo me vone se 35 dite perpara dates se zgjedhjeve.
Dokumentacioni i korrigjuar depozitohet jo me vone se 32 dite perpara dates se zgjedhjeve. Vendimi per miratimin ose refuzimin e dokumentacionit perfundimtar merret brenda 48 oreve nga depozitimi i tyre.