Kandidaturat per Inspektoratin e Pasurive, Fatmira Laskaj nuk fiton mandat te dyte

Adriatik Llalla dhe Bashkim Dedja, jane dy pretendentet per postin e kryetarit te Inspektoratit te Larte te Deklarimit dhe Kontrollit te Pasurive. Me perfundimin e mandatit pesevjecar te kryeinspektores Fatmira Laska, me 10 korrik, kreu i shtetit firmosi dje dy emra, mes te cileve Kuvendi do te zgjedhe nje, per ta mandatuar si drejtuesin e ri te ILDKP. Keshtu, pa humbur kohe, Presidenti Topi, ne mbeshtetje te nenit 93 te Kushtetutes, dhe te nenit 11 te ligjit "Per deklarimin dhe kontrollin e pasurive, te detyrimeve financiare te te zgjedhurve dhe te disa nepunesve publike", dekretoi emrat e rinj "Adriatik Llalla dhe Bashkim Dedja i propozohen Kuvendit te Shqiperise per postin e Inspektorit te Pergjithshem per Kontrollin e Deklarimit te Pasurive. Ky dekret hyn ne fuqi menjehere", firmosi Presidenti. "Eshte e drejte e Presidentit te Republikes qe te beje zgjedhjen se kush do te jete drejtuesi i ri i institucionit", u shpreh per gazeten, pas berjes publike te dekreteve, ish-kryetarja Fatmira Laska, e cila shpresonte ne nje mandat te dyte ne kete institucion. Laska tha se, pas perfundimit te detyres se saj ne krye te ILDKP-se, do te merret me dicka tjeter, pa dhene shume detaje. "Jam e lumtur qe per pese vite drejtova nje institucion te tille dhe do i uroj suksese ne detyre pasardhesit tim kur te vije", theksoi Laska. Kandidatet e Presidentit do te shqyrtohen brenda ketij muaji ne Komisionin e Ligjeve, i cili ne baze te procedures, pasi te zhvilloje seancat degjimore, do te votoje ne Kuvend. Nje prej te perzgjedhurve te Presidentit per postin e drejtuesit te institucionit qe heton e kontrollon pasurine e gjyqtareve, Bashkim Dedja figuron ne listen e kandidateve qe aplikuan per anetare te Gjykates se Larte. Prej tre vitesh, Dedja ka ushtruar profesionin e gjyqtarit ne Gjykaten e Tiranes, nderkohe qe aktualisht eshte gjyqtar ne Gjykaten e Apelit ne Durres. Ndersa kandidatura e dyte e perzgjedhur nga Presidenti Topi, Adriatik Llalla, njihet si zv/prokuror ne Prokurorine Tirane. Emer ky i perzgjedhur dhe per anetare ne Keshillin e Prokuroreve. Inspektorati i pasurise funksionon prej pese vitesh. Ai u drejtua nga kryeinspektorja Fatmira Laska gjate kesaj periudhe, mandati i se ciles perfundoi me 10 korrik. Gjate ketyre viteve, jo pak zyrtare jane ndeshkuar, gjobitur, por dhe paditur ne Prokurorine e Pergjithshme, pasi kane refuzuar te deklarojne pasurine, e kane fshehur ate apo u jane gjendur pasaktesi te medha. Rozeta Rapushi

Reagimi

Ish-kryetarja e Inspektoratit te Larte te Deklarimit dhe Kontrollit te Pasurive, Fatmira Laska, vleresoi dje zgjedhjen e Presidentit Bamir Topi per zevendesuesin e saj. Laska u shpreh se pas lenies se detyres do te merret me te tjera gjera, dhe se do t'i uroje suksese pasardhesit te saj.

Lista

Presidenti Bamir Topi duket se nuk eshte munduar shume ne gjetjen e emrave qe do te zevendesojne Fatmira Lasken ne drejtimin e ILDKP. Nje prej tyre, Bashkim Dedja figuron ne listen e aplikanteve per postin e anetareve te Gjykates se Larte.