Kapercimi i krizes, vjen me rritje cmimesh

Shenjat pozitive te kapercimit te krizes ne tregjet boterore, duket se do te rikthejne ne vendin tone valen e cmimeve te larta te naftes dhe lendeve te para. Guvernatori i Bankes se Shqiperise, Ardian Fullani tha dje gjate nje dalje publike per mediat se gjate muajve te fundit, lajmet optimiste per zhvillimin e ekonomise boterore ne teresi, kane nxitur rritjen e cmimeve te naftes e te lendeve te para. Gjate ketij viti, tregu vendas perjetoi ulje te ndjeshme te cmimeve te bukes, naftes, vajit dhe shume artikujve te tjere te konsumit masiv nga importi. Ulja e cmimeve erdhi si pasoje e efekteve te krizes globale, ku kerkesa e ulet blerese, uli cmimet mallrave ne tregjet e jashtme. Kjo situate u reflektua edhe ne tregun vendas, duke ndikuar pozitivisht ne nivelin e pergjithshem te cmimeve. Por duket se periudha e "arte" e cmimeve te uleta eshte drejt fundit. Ringjallja e kerkeses konsumatore ne Evrope dhe me gjere, po jep ndikim edhe ne rritjen e cmimeve te lendeve te para, situate qe pritet te reflektohet edhe ne vendin tone vitin qe vjen. Zhvillimet me te fundit ne ekonomine boterore, kane dhene sinjale pozitive ne drejtim te permiresimit te ecurise se aktivitetit ekonomik. Vendet kryesore te zhvilluara dhe ato ne zhvillim, kane perjetuar rritje ekonomike ne nivel tremujor, nderkohe qe tregtia boterore dhe indekset e besimit kane shfaqur shenja permiresimi. Ekonomia boterore mbetet ende larg shfrytezimit te plote te kapaciteteve, gje qe ndikon ne ruajtjen e papunesise ne nivele te larta. Shkalla e kufizuar e shfrytezimit te kapaciteteve, ndikon edhe ne ruajtjen e presioneve inflacioniste ne nivele te uleta.

Ndikimi
Periudha e "arte" e cmimeve te uleta eshte drejt fundit. Ringjallja e kerkeses konsumatore ne Evrope dhe me gjere, po jep ndikim edhe ne rritjen e cmimeve te lendeve te para, situate qe pritet te reflektohet edhe ne vendin tone vitin qe vjen.