Kapet banda e falsifikatoreve te kartmonedhave
Tirane-Nje baze e falsifikimit te kartemonedha false, eshte shkaterruar nga policia e kryeqytetit, ndersa jane vene ne pranga 26 persona pjestare te ketij grupi falsifikatoresh. Goditjen spektakolare te ketij grupi kaq te madh personash, qe kishin nje vit qe hidhnin ne treg para false, e ka bere publike dje ne nje konference shtypi, drejtori i policise se qarkut Tirane, Tonin Vocaj. Pasi ka marre pjese ne analizen e policise se kufirit dhe migracionit, drejtori Vocaj, ka nxituar te shkoje ne drejtorine e tij, ku ne nje dalje publike ka sqaruar te gjitha detajet e operacionit te koduar "Piramida".
Venia ne pranga e 26 personave, te cilet ne menyre te mireorganizuar kishin shtrire rrjetin e tyre ne pothuajse gjithe vendin, u realizua pas nje pune te gjate hetimore prej afro 6 muajsh. Ne kete operacion jane perfshire strukturat e krimit ekonomik financiar ne Policine e Tiranes, ne bashkepunim me njesine Taks Force, prane prokurorise se rrethit. Sipas policise keta persona dyshohen per "prodhim te kartemonedhave te falsifikuara", "venien ne qarkullimit te tyre", "falsifikim dokumentesh", "armembajtje pa leje". Personat e arrestuar dyshohet se ne bashkepunim me njeri tjetrin, per me shume se nje vit kane prodhuar kartemonedha te falsifikuara te prerjeve 500, 1000, 2000, 5000 lekeve. Drejtori Vocaj, ne deklaraten e lexuar tha se nga materialet e sekuestruara ne banesat e ketyre personave, ata dyshohen se jane edhe autore te nje sere veprash te tjera penale, te cilat nuk u bene publike. Sipas drejtuesve te policise se kryeqytetit, ky grup kriminal e kishte shtrire veprimtarine e vet ne pjesen me te madhe te vendit, Tirane, Durres, Fier, Berat, Sarande, Elbasan, Pogradec, Korce, Shkoder dhe Kukes. "Ne saje te perdorimit te metodave speciale te hetimit, eshte bere i mundur dokumentimi i veprimtarise dhe lidhjeve te ketyre personave te implikuar ne kete veprimtari, si dhe gjetja e sekuestrimi i provave konkrete", sqaroi kreu i bluve te kryeqytetit Vocaj. Hetimi i strukturave te policise dhe prokurorise, eshte shtrire ne te gjithe territorin ku jane shperndare kartemonedha false. Policia ka mundur te zbuloje dhe shkaterroje bazen e prodhimit te ketyre kartemonedhave, e cila ishte vendosur ne afersi te rruges "5 Maji" ne Tirane. Pas kontrollit te befasishem, aty jane gjetur edhe pajisjet qe perdornin falsifikatoret ne kete aktivitet te jashteligjshem. Sipas policise, te arrestuarit ne bashkepunim me njeri-tjetrin, kryenin shperndarjen e kartemonedhave te falsifikuara, kryesisht ne qendrat spitalore dhe ne subjekte e biznese private te kryeqytetit. Per nje periudhe te gjate kohe ne drejtorine e policise Tirane, jane bere mbi 100 kallezime nga qytetare te demtuar, qe kane rene pre e falsifikatoreve. Ne jo pak raste, viktime e ketij aktiviteti kane qene edhe personat qe sherbejne ne pikat e mbushjes se automjeteve me karburant, sidomos me kartemonedhat e prerjes 2 mije lekeshe, te cilat kane rezultuar se ishin shume afer kartemonedhave origjinale. Per zbulimin e rrjetit te ketij grupi kriminal, policia sqaroi se ka aplikuar te gjitha format dhe metodat speciale te hetimit.
Falsifikimi
Te arrestuarit per me shume se nje vit dyshohet se kane prodhuar kartemonedha te falsifikuara te prerjeve 500, 1000, 2000, 5000 lekeve. Policia ka zbuluar dhe shkaterruar bazen e prodhimit te parave false, , e cila ishte vendosur ne ne afersi te rruges "5 Maji" ne Tirane.
Shtrirja
Drejtues te policise se kryeqytetit, thane se ky grup kriminal e kishte shtrire veprimtarine e vet pjesen me te madhe te vendit, Tirane, Durres, Fier, Berat, Sarande, Elbasan, Pogradec, Korce, Shkoder dhe Kukes.
Provat e gjetura ne bazen e prodhimit te parave false
Ne cilesine e provave materiale u sekuestruan shuma e parave prej 1.4 milione leke, kartemonedha te falsifikuara te prerjeve 1000, 2000, 5000 leke te reja. Gjithashtu jane gjetur dhe sekuestruar kompjutere desktop dhe kompjuter laptop, qe sherbenin per perpunimin e kartemonedhave te skanuara, printer dhe skaner me rezolucion te larte, per printimin e prodhimin e tyre, makineri prerese, USB, i cili permbante materialet e krijuara per realizimin e kesaj veprimtarie, fisheke te kalibrave te ndryshem, nje arme zjarri e llojit pushke, maska te ngjashme me ato te Forcave Speciale, nje sasi e konsiderueshme te kartave telefoni prej 400 numrash, rreth 100 aparate celular.
Te arrestuarit e operacionit
Altin Lala, 30 vjec
Besnik Gaci, 27 vjec
Avdi Gjika, 24 vjec
Sali Prendi, 23 vjec
Dritan Elezaj, 25 vjec
A. C, 16 vjec
Bilbil Sefa, 31 vjec
Defrim Mata, 21 vjec
Anila Kodra, 18 vjec
Roland Skuqi, 23 vjec
Altin Murani, 25 vjec
Aben Seferi, 27 vjec
Astrit Seferi, 24 vjec
Aristogon Pashka, 22 vjec
Artur Pashka, 21 vjec
Eduart Pashka, 24 vjec
Shpetim Mataj, 22 vjec
Artan Halilaj, 21 vjec
Alfren Bushgjokaj, 26 vjec
Xhevahir Koldashi, 21 vjec
Gazmend Cerpja, 27 vjec
Ahmet Meci, 22 vjec
Muhamed Murrani, 20 vjec
E. D, 17 vjec
E.I, 17 vjec