Kapet hashashi, pronari can rrethimin

Nje 23-vjecar, nga qyteti i Durresit, po kerkohet nga policia, i dyshuar si pronar i nje sasie hashashi te gatshem per shitje. Sipas burimeve nga Drejtoria e Policise se Qarkut, Aldo Axhenti, banor i lagjes numer 13, u ka shpetuar uniformave blu mbremjen duke u gdhire dita e djeshme, ndersa kishin shkuar per ta arrestuar. I riu ka perdorur nje dalje dytesore, duke shfrytezuar terrenin, ndersa dara policore ende nuk ishte ngushtuar. Ngjarja ka ndodhur ne nje banese te adoptuar, dikur kabine per plazhistet, e cila ndodhet ne sektorin “Apolonia” te plazhit te Durresit, prane vendit te njohur si “Rrota e Kuqe”. Pas informacionit te marre ne rruge operative per tregti narkotikesh, policia ka rrethuar banesen e 23-vjecarit. Gjate kontrollit u gjeten rreth 50 qese me hashash, te gatshme per shitje. Policia tha se pas peshimit, u konkludua se lenda e sekuestruar ishte afersisht 3 kilograme. Policia tha se ne banese, ne momentin e mberritjes se uniformave blu, ndodhej edhe nje person tjeter, i cili tashme eshte ndaluar, por emri i tij nuk behet i ditur per arsye hetimi. Sipas policise, ne kete banese hashashi mberrinte gjysme i gatshem. Ai peshohej, paketohej dhe pastaj dilte ne treg ku shperndahej nga persona ende te paidentifikuar.
K. Jaupaj