Prodhonin pa licence, kapen “pijetaret”

Vlore - Dy persona nga qyteti i Vlores do te hetohen ne gjendje te lire, nen akuzen e “prodhimit dhe shitjes se pijeve alkoolike”. Nje aksion i zhvilluar mbremjen duke u gdhire dita e djeshme ka zbuluar qindra litra pije te llojeve te ndryshme pa pullen e Ministrise se Finances. Policia tha se “gjate nje kontrolli ne automjetin dhe punishten me pronar shtetasin G. Kalemaj, u gjeten dhe sekuestruan 590 litra pije alkoolike te llojit konjak, fernet, vodke, uzo, te ambalazhuara ne shishe qelqi, ne te cilat mungonte pulla fiskale”. Gjithashtu, burimet shtuan se banesen e 58-vjecarit M. Rapushi u gjeten dhe sekuestruan 56 litra alkool etilik, si dhe pajisje e materiale qe sherbejne per prodhim dhe ambalazhim te pijeve alkoolike.