Kapet me 132 kg marijuanë, pranga kreut të policisë Gjirokastër
Forcat policore greke thanë se aksioni u krye në kilometrin e 97-të të rrugës Egnatia, nga sektori antidrogë i Janinës në bashkëpunim me forcat e ndërhyrjes së shpejtë të rajonit Delvinaku.
Po sipas uniformave blu në vendin fqinj, tre shqiptarët bënë rezistencë gjatë aksionit për kapjen e tyre duke u përplasur me dy mjete të tjera në ndjekje e sipër dhe duke u shkaktuar dëme materiale.
Droga, e cila ishte e paketuar në 84 qese të zeza, u gjet në automjetin e policit shqiptar, 36 vjeç, si dhe dy 31-vjeçarëve të tjerë të cilët ranë në pranga.
Hetimi nxori në pah se makina ku u gjet lënda narkotike ishte deklaruar si e humbur apo e vjedhur më 15 prill të këtij viti në policinë e Peristeriut, ndërsa targat që mbante ishin të një makine të denoncuar si e humbur në policinë e Larisës.
Një tjetër 36-vjeçar si dhe një i dytë 31 vjeç janë arrestuar po ashtu në këtë operacion, duke e çuar në pesë numrin e të prangosurve. Ndërkohë, një 38 vjeçar shqiptar është shpallur në kërkim.
Policia ka bllokuar edhe dy makina të tjera dhe ka sekuestruar nëntë telefona celularë, si dhe shumën prej 2 375 eurosh që iu gjet të dyshuarve.
/Start/E.B/
2011-08-30 10:43
Po sipas uniformave blu në vendin fqinj, tre shqiptarët bënë rezistencë gjatë aksionit për kapjen e tyre duke u përplasur me dy mjete të tjera në ndjekje e sipër dhe duke u shkaktuar dëme materiale.
Droga, e cila ishte e paketuar në 84 qese të zeza, u gjet në automjetin e policit shqiptar, 36 vjeç, si dhe dy 31-vjeçarëve të tjerë të cilët ranë në pranga.
Hetimi nxori në pah se makina ku u gjet lënda narkotike ishte deklaruar si e humbur apo e vjedhur më 15 prill të këtij viti në policinë e Peristeriut, ndërsa targat që mbante ishin të një makine të denoncuar si e humbur në policinë e Larisës.
Një tjetër 36-vjeçar si dhe një i dytë 31 vjeç janë arrestuar po ashtu në këtë operacion, duke e çuar në pesë numrin e të prangosurve. Ndërkohë, një 38 vjeçar shqiptar është shpallur në kërkim.
Policia ka bllokuar edhe dy makina të tjera dhe ka sekuestruar nëntë telefona celularë, si dhe shumën prej 2 375 eurosh që iu gjet të dyshuarve.
/Start/E.B/
2011-08-30 10:43