Kapllani, sinjale nga Karlsruhe

Sinjale nga Karlsruhe për sulmuesin shqiptar të Augsburgut, Edmond Kapllani. “Kapllani do të ishte zgjidhja perfekte”, shkruante faqja më e madhe sportive gjermane “Kicker”. Në fakt, për durrsakun e Kombëtares shqiptare do të thotë një rikthim në shtëpi, pasi Kapllani e nisi aventurën e tij gjermane pikërisht me Karslruhen, ku kulmin e pati në sezonin 2006-2007, ku shënoi 17 gola në Bundesligën 2, duke kontribuar në ngjitjen e skuadrës në Bundesliga – madje në atë kohë, tifozët i ngritën edhe një këngë atij. Pas dy sezonesh të zbehta me Karlrsuhen në Bundesligën 1, Kapllani u transferua te Augsburgu, për të cilin luajti vetëm gjysmën e sezonit, pasi pjesën e dytë e shpenzoi te Tus Koblenci. Tashmë, Kapllani është sërish te Augsburgu, me të cilin po zhvillon një fazë përgatitore të shkëlqyer, duke shënuar në vazhdimësi gola në testet miqësore.

Burimi: Albania-sport.com
Kliko per te na ndjekur ne Twitter

E Enjte, 05 Gusht 2010
Shto dhe ti komentin tend Emri dhe e-maili