Kartat, Sagem informacion ne Komision per procesin
Kompania qe ka marre persiper prodhimin e kartave te identitetit, "Sagem Security", do te raportoje ne Kuvend, javen e ardhshme mbi ecurine e ketij procesi. Anetaret e Komisionit te posacem per monitorimin e pergatitjes se zgjedhjeve, vendosen dje qe te therrasin eksperte te kompanise, per sqarime te detajuara se si po ecen procesi i prodhimit te kartave dhe pasaportave biometrike. Si dhe nese eshte e mundur pajisja e tere zgjedhesve me karta, per zgjedhjet parlamentare te 28 qershorit. Kerkesa u be nga bashkekryetari komisionit Kastriot Islami. Sipas tij, ka paqartesi ne informacionet qe ky komision ka marre per pajisjen me karta te shtetasve. Ndonese kritike, mazhoranca pranoi qe eksperte te kompanise te raportojne para Komisionit. Pavaresisht ketij fakti, ata u shprehen se procesi i pajisjes se zgjedhesve me karta po vijon normalisht. "Ne do t'i drejtohemi ne forme institucionale edhe kompanise, qe te kemi nje informim te plote ndaj kompanise, e cila merret me prodhimin e kartave te identitetit, ndaj dhe ne ditet e ardhshme do te kemi informacion lidhur me kete gje", tha deputeti demokrat Ilir Rusmali. Ne mbledhjen e djeshme, te majtet kembengulen ne kerkesen per dhenien e kartave falas. Sipas socialisti Islami, nje mase e tille eshte e domosdoshme. "Eshte keqkuptuar ideja e jone per kartat e identitetit falas. Kjo te kujton taksen qe ekzistonte para 50 vitesh ne SHBA per votuesit, cka i pengonte ata te shkonin te votonin. Takse qe tashme ka 50 vjet qe eshte hequr dhe ekziston ne Shqiperi", paralelizoi Islami. Per raportim ne mbledhjen e djeshme, ishin dhe perfaqesuesit e Komisionit Qendror te Zgjedhjeve. Kryetari i KQZ-se, Arben Ristani dhe zevendesja Deshira Subashi, dhane sqarime mbi pergatitjen e zgjedhjeve. Sipas Subashit, shqetesuese deri me sot per KQZ-ne, eshte korrigjimi i listave te zgjedhesve. Nenkryetarja u shpreh se ka skaduar afati i korrigjimit te listave dhe mungon informacioni se cfare eshte bere me to. Por si per ta balancuar, kryetari Ristani vleresoi me ne fund, ngritjen e Komisioneve Zonale te Administrates Zgjedhore. Ristani u shpreh se nga momenti i konstituimit te KQZ-se ne 5 shkurt, e deri ne 28 mars jane miratuar 38 vendime dhe 9 udhezime, ne funksion te problematikes se zgjedhjeve te ardhshme. R. Rapushi