Shqiperia, sot zyrtarisht ne NATO

Kreret e shtetit shqiptar, lene vendin per te qene te gjithe te pranishem ne Samitin e Aleances se Atlantikut te Veriut (NATO), ku Shqiperia dhe Kroacia behen sot zyrtarisht, anetare te kesaj aleance. Pa marre parasysh rregullat e protokollit te shtetit, ku te pakten nje nga kreret e vendit, duhet te jete ne Shqiperi, Presidenti Bamir Topi, kryeministri Sali Berisha dhe kryetarja e Kuvendit, Jozefina Topalli, u nisen dje ne Strasburg. Asnje prej tyre, nuk mund te mungonte ne evenimentin me te madh te anetaresimit te Shqiperise ne NATO. Keshtu funksionaret e tjeter te larte, ministri i Puneve te Jashtme Lulezim Basha, ministri i Mbrojtjes Gazmend Oketa, kryetaret e grupeve parlamentare te PD e PS, perkatesisht Astrit Patozi dhe Valentina Leskaj, drejtues te tjere te larte te institucioneve shteterore shqiptare por dhe deputete te tjere te Kuvendit, u nisen dje per te marre pjese ne Samit. Diten e sotme, e cila do te shenohet ne histori, per anetaresimin e Shqiperise ne NATO, do te kene nderin te mbajne fjalen ne mbledhjen e Keshillit te Atlantikut te Veriut, Presidenti Bamir Topi dhe kryeministri Sali Berisha. Fjala e tyre pershendetese, do te jete jo vetem per anetaresimin e Shqiperise ne NATO, dhe mirenjohja per te gjitha vendet anetare te kesaj Aleance per mbeshtetjen qe i kane dhene Shqiperise, por dhe per 60- vjetorin e krijimit te kesaj aleance. Nje koincidence kjo qe perkon me daten e shenuar te anetaresimit ne kete Aleance dhe te vendit tone. Ne fjalimin qe do te mbaje ne kete Keshill, Presidenti Topi, do te rikonfirmoje besnikerine dhe pergjegjshmerine e Shqiperise dhe popullit shqiptar, ndaj besimit qe iu dha duke qene tashme pjese e NATO-s. Kreu i shtetit, do te ritheksoje vetedijen dhe ndergjegjesimin tone kombetar per te gjitha sfidat dhe detyrimet qe rrjedhin nga fakti i te qenit anetar me te drejta te plota ne Aleancen me te madhe dhe te rendesishme te paqes dhe te sigurise ne bote. Diten e djeshme Presidenti Topi, mori pjese dhe ne darken e punes se organizuar me kreret e shteteve, pasi takimit ceremonial te rastit me Presidentin francez, Sarkozi dhe kancelaren gjermane, Merkel si pale mikpritese. Ai bisedoi me personalitete te larta te politikes boterore, krere shtetesh, si dhe te tjere drejtues te larte te organizmave nderkombetare. Prej me shume se dy javesh, kryefjala e forcave politike por dhe krereve te shtetit, eshte anetaresimi i Shqiperise ne NATO. Eveniment ky, qe do te kurorezohet diten e sotme, kur me ne fund, Shqiperia do te jete pjese e NATO-s. Por pavaresisht kesaj arritjeje, pozita dhe opozita ne Kuvend, nuk kane lene menjane debatet mbi meriten e ketij anetaresimi. Jo me larg se dy dite me pare, ne seancen e se enjtes, mazhoranca akuzoi opoziten se eshte xheloze, qe anetaresimi, u be fale reformave te qeverise. Ndersa opozita beri thirrje per te lene menjane deklarata te tilla, se kane qene pjese e ketij procesi.

Pershendetja

Presidenti Bamir Topi, do te mbaje sot fjalen ne Keshillin e Atlantikut te Veriut. Kreu i shtetit do te ritheksoje vetedijen dhe ndergjegjesimin e vendit tone, per sfidat dhe detyrimet qe i dalin, si anetare me te drejta te plota.