‘Kartat’,LSI kërkesë!

Tiranë -Lëvizja Socialiste për Integrim u shpreh pesimiste sot për pajisjen e qytetarëve shqiptarë ma karta identiteti. Sekretari i Përgjithshëm i kësaj force politike Petrit Vasili, i tha medieve, se për mjaft qytetarë shqiptarë, pajisja me këto mjete identifikimi do të jetë e vështirë për shkak të varfërisë dhe pamundësisë së tyre për të paguar çmimin e tyre.
Në emër të LSI-së, ka kërkuar nga qeveria të marrë masa dhe të pajisë pa pagesë, me karta pensionistet në fshat dhe qytet, studentet dhe nxënësit, personat qe marrin pagese papunësie, të papunët, personat anëtarë të familjeve që marrin ndihme ekonomike, personat me aftësi te kufizuar dhe kujdestaret e tyre si dhe personat me page minimale ne sektorin publik dhe privat.

“Qeveria, duhet te zgjidhe ne mënyrë të menjëhershme këtë problem për këtë kategori qytetaresh, sepse përndryshe rrezikohet qe rreth 1 milion qytetare të mos marrin pjesë, pra, të përjashtohen nga procesi i votimit”-theksoi Vasili nga selia e partisë së tij.

Sipas Vasilit, ky investim i Qeverisë në këtë moment, është i domosdoshëm për të sotmen dhe të nesërmen, sepse sot ai do të garantonte standardet e zgjedhjeve, duke u mundësuar të gjithë qytetarëve që te marrin pjese ne to. =