Karzai: Perëndimi e kupton nevojën për bisedime me talebanët

Presidenti i Afganistanit, Hamid Karzai ka deklaruar se liderët e Perëndimit po fillojnë të kuptojnë se lufta në Afganistan nuk mund të fitohet ushtarakisht, dhe se procesi i paqes duhet të përfshijë edhe shtrirjen e dorës talebanëve.

Në një konferencë për shtyp në Kabul, Karzai tha se ai kishte patur "diskutime të gjera për procesin e paqes" me presidentin amerikan Barak Obama gjatë vizitës treditore në Uashington javën e kaluar.