Kasat fiskale, financat hapin tenderin
Tenderi per pajisjen me kasa fiskale te biznesit eshte hapur. Ministria e Financave ka shpallur njoftimin e saj ne faqen e internetit duke njoftuar edhe kushtet qe duhet te plotesojne kompanite. Per te vendosur dhe kontrolluar funksionimin e kasave do te jene 5 kompani ne te gjithe vendin. Kasat jane mjetet qe mbajne ne menyre elektronike xhiron e biznesit. Funksionimi i tyre do te beje qe tatimet ne linjat e biznesit te vilen ne baze te xhiros dhe jo me vleresime apriori. Burimet ne Ministrine e Financave pohojne se, brenda 6 mujorit do te behet e mundur pajisja me kasa fiskale e biznesit te madh ne qytetet kryesore Tirane dhe Durres dhe deri ne fund te 6 mujorit procesi do te perfundoje ne te gjithe vendin per biznesin e madh, ndersa per biznesin e vogel ky proces do te filloje ne periudhen ne vijim. Aktualisht ne ministrine e Financave eshte ngritur grupi i punes, i cili do te organizoje tenderin per perzgjedhjen e kompanise, e cila do te beje te mundur importin si dhe sigurine e kasave fiskale, proces i cili pritet te perfundoje brenda dymujorit te pare te vitit. Burimet ne Financa njoftuan se, pajisja me kasa do te funksionoje normal pavaresisht pretendimeve te biznesit se ka probleme me furnizimin me energji elektrike. Gjate periudhes kur nuk ka energji elektrike biznesi do te perdore metodat alternative si faturat e dores apo alternativa te tjera dhe ne rastet kur gjate kontrollit do te gjenden parregullsi atehere do te kete penalizime per biznesin. Qeveria ka percaktuar si afat te fundit per pajisjen me kasen regjistruese per biznesin e vogel ne te gjithe vendin qershorin e 2009. Vendimi i qeverise perjashton nga perdorimi i pajisjeve fiskale sipas kerkesave te ketij vendimi, profesionet e lira, ambulantet dhe sherbimi i transportit. Rregullat dhe procedurat e instalimit dhe te perdorimit te pajisjeve fiskale jane njesoj te aplikueshme si per tatimpaguesit e regjistruar per TVSH-ne dhe tatimin mbi fitimin ashtu edhe per tatimpaguesit e biznesit te vogel. Sipas vendimit te qeverise bizneset qe ushtrojne veprimtari ne bashkite e: Tiranes, Durresit, Vlores, Gjirokastres, Fierit, Lushnjes, Beratit, Sarandes, Korces, Pogradecit, Elbasanit, Shkodres e Lezhes, duhet perdorin kasen regjistruese qe kete vit.