"Herceptina", 3 muaj mungese ne QSUT

Per me shume se tre muaj te semuret e spitalit onkologjik jane te detyruar te blejne me parate e tyre medikamentin e Herceptines. Ky ilac, i cili behet ne formen e nje kimioterapie sherben per te luftuar semundjet kancerogjene. E megjithese gjate ketyre diteve ka ardhur furnizimi ai mjafton vetem per nje periudhe nje mujore. Pas perfundimit te muaji mars pacientet dhe te afermit e tyre duhet qe te drejtohen tek farmacite private per te siguruar nje doze nga ky lloj medikamenti kurues, i cili kushton shume shtrenjte. Sipas mjekeve nje person, i cili nuk ka probleme me zemren, por vuan nga nje semundje tumorale mund te kryeje kete lloj kimioterapie nje here ne tre jave per nje periudhe nje vjecare. Nderkohe kostoja e nje terapie nje vjecare eshte rreth 4 milion leke. "Prej tre muajsh ka pasur mungese te "Herceptines". Blerjet e fundit kane arritur te sigurojne vetem nje sasi te vogel te saj, e cila mund te mbaroje pas nje muaji dhe do te perdoret per pacientet qe aktualisht kane nevoje ta marrin ate", shprehen burime nga QSUT-ja. Mungesa e medikamenteve ne spitalin onkologjik ka qene evidente gjithmone dhe kjo per shkak te fondit te vogel, i cili megjithese ka ardhur ne rritje nga vitit ne vit nuk mund te perballoje nevojat. Sipas perllogaritjeve te bera nga spitali onkologjik nevojiten 8.5 milion euro ne vit. Por, per kete vit drejtoria e QSUT-se ka menduar qe te bleje ato medikamente te cilat kushtojne me pak brenda llojit te tyre. Kjo zgjidhje eshte menduar per te pasur nje numer me te madh medikamentesh brenda te njejtit fond te percaktuar. Ne kete lloj ndryshimi sipas drejtuesve te QSUT-se do te futeshin edhe citostatiket dhe medikamentet e shtrenjta te cilat kane alternativa te barnave te lira. Kurse ne rastet kur ka medikamentet patente (origjinale) dhe kopje, do te blihen keto te fundit per vete faktin se kushtojne me lire.