Kasat nuk ka shtyrje afati

Pas protestes ne Tirane qeveria shqiptare shtyu afatin e kasave deri ne fund te dhjetorit vetem per tregtaret e shumices tek tregu i Medresese ne kryeqytet. Asnje biznes tjeter nuk perfiton nga ky kompromis i qeverise.

Zevendesministri i Financave Alfred Rrushaj sqaron se deri ne fund te dhjetorit te ketij vitit duhet te kene kasa te gjitha bizneset ne te gjithe vendin. Ndersa kompensimi per cmimin e kasave do te behet ne fillim te vitit tjeter kur te paguajne kestin e pare te detyrimit tatimor.

Mesazhi eshte i qarte ka nje kalendar te percaktuar per vendosjen e kasave fiskale. Nese afati ka perfunduar atehere biznesi duhet te pajiset me kase fiskale. Afati 28 shkurt 2011 nuk ka te beje me vendosjen e kasave por te kompensimit te bizneseve qe nuk kane paguar kasat tha Rrushaj.

Per qytet te ndryshme afati i vendosjes se kasave eshte i ndryshem. Sipas udhezimit te Ministrise se Financave bizneset ne Tirane dhe qendrat e prefekturave duhen ti kishin vendosur kasat deri ne fund te qershorit. Ne qytetet e tjera afati eshte fundi i dhjetorit te ketij vitit. Pas ketyre datave bizneset qe nuk kane vendosur kasat do te gjobiten.