Kasmi per ABC News Spahiu dhe Topi nuk i mbrojten gjyqtaret e Kolegjit

Zëvendësministrja e Drejtësisë, Brikena Kasmi, në një intervistë për “ABC News”, kërkoi publikisht dorëheqjen e nënkryetarit të KLD-se, Kreshnik Spahiu për mosushtrim të detyrës.

Sipas Kasmit, Spahiu prej kohësh nuk ushtron funksionin e tij, por prodhon politikë dhe kjo u vu rë qartë edhe në mbledhjen e KLD-së kur ai nuk u doli në mbrojtje gjyqtarëve të Kolegjit.

Njëkohësisht, zëvendësministrja Kasmi kritikoi edhe qëndrimin e presidentit Topi, i cili si kryetari i KLD-së nuk i mbrojti gjyqtarët, megjithëse një veprim i tillë është në detyrimin ligjor të këtij institucioni.