Kater ndeshje pa tifoze per Besen, dy ndeshje Elbasani

Besa do ti luaje kater ndeshjet e radhes brenda fushes se saj pa pranine e tifozeve, si dhe Elbasani do te luaje dy ndeshje, me shkalle te boshatisura. Sjelljet antisportive te tifozeve, ne stadiumet e Kavajes dhe te Elbasanit jane denuar nga Komisioni i Disiplines. Besa dhe Elbasani do te luajne disa ndeshje pa tifoze si dhe klubet do te paguajne gjoba, per mosmarrjen e duhur te masave ne parandalimin e akteve te dhunes. Keshtu, pas nderprerjes se ndeshjes mes Beses dhe Skenderbeut, ne minuten e 87-te, per shkak te objekteve te hedhura ne fushe, Disiplinori ka vendosur qe Besa ti zhvilloje kater ndeshjet e radhes brenda fushes se saj, pa pranine e tifozeve. Gjithashtu klubi kavajas do te paguaje 1 milione leke per trazirat qe u shfaqen ne takimin e se henes, ndaj Skenderbeut. Per nderprerjen e ndeshjes, tre minuta para fundit, sipas rregullores, Komisioni i Disiplines ka vendosur qe fitoren t’ia jape ne tavoline ekipit korcar, me rezultatin 2-0. Nje gjobe prej 200 mije lekesh duhet te paguaje edhe Klubi i Futbollit “Skenderbeu”, per hedhje te sendeve te forta ne fushe, nga ana e tifozeve qe kishin udhetuar drejt Kavajes, per te ndjekur ndeshjen. Disiplina ka pezulluar edhe mesfushorin e Beses, Paulin Dhembi, me 3 ndeshje dhe e ka gjobitur ate me 100 mije leke gjobe pasi ka ofenduar tifozerine kundershtare. Kjo ceshtje do te shqyrtohet edhe ne mbledhjen tjeter te Komisionit te Disiplines, per deklaratat e leshuara ne shtyp nga palet. Java e pare e Kategorise Superiore nuk eshte mbyllur me kaq, pasi Komisioni i Disiplines ka shqyrtuar edhe ndeshjen tjeter, Elbasani Tirana. Sic tregonin pamjet filmike, ka pasur probleme dhe ne kete takim qe perfundoi ne barazim 1-1. Stadiumi “Ruzhdi Bizhuta” do te prese dy ndeshjet e radhes me dyer te mbyllura pasi tifozet vendas hodhen sende ne fushe gjate takimit. Klubi Futbollit Elbasani duhet te paguaje, per rremujen qe u krijua, nje gjobe prej 200 mije lekesh. Por nuk i ka shpetuar masave sa Tirana, qe ishte skuadra udhetuese dhe nuk u perfshi ne incidentet e krijuara gjate ndeshjes. Megjithate, Tirana qe u paraqit me vonese ne ndeshjen e pare te kampionatit, si dhe nuk i ka pasur te plota uniformat. Klubi bardheblu eshte denuar me 200 mije leke. Edhe klubi Vllaznia eshte denuar me te njejten shifer, por me nje shkak tjeter, sepse Disiplina ka ndeshkuar me 200 mije leke edhe Klubin e Futbollit Vllaznia per hedhje te sendeve te forta ne fushe gjate festimeve te lojtareve kundershtare.