Kater oret e luftes mes turmes e policise te Kryeministria

Njerezit vrapojne me maska ne goje dhe qe nuk dine cfare bejne vetem bertasin gjuajne me gure e shkopinj forcat e policise te vendosura rreth godines se Keshillit te Ministrave. Te rinj te moshuar madje edhe shume police te gjakosur qe mbajne plaget me duar per te penguar rrjedhjen e gjakut. Te tjere te asfiksuar qe transportohen drejt ambulancave. Me pas te shtena armesh me bresheri qe ne fillim kishin tingullin e fishekeve manover por me vone krismat u duk se u shkaktuan nga plumba te vertete. Plumba qe shkaktuan 4 te vdekur dhe dhjetera te plagosur civile e police. E gjithe kjo panorame te krijon idene e nje arene lufte por ne fakt gjithcka ndodhi ne qender te Shqiperise ne mes te Tiranes madje-madje para selise se Kryeministrise ne bulevardin Deshmoret e Kombit. Acarimi i situates nisi nga nje tubim i paralajmeruar nga partite opozitare me konfirmim edhe te policise se Tiranes qe me pas u shnderrua ne nje demonstrate te dhunshme e te pergjakshme qe vec te demtuarve do kete edhe pergjegjes qe pritet te arrestohen gjate oreve ne vazhdim.
FILLIMI I SULMIT
Shkendija e pare e nje vale perleshjesh filloi tek shkallet qendrore te Kryeministrise. Turma heq shkopinjte e banderolave qe mbanin ne duar dhe nis te godase forcat e policise duke u perleshur edhe fizikisht me ta. Madje nje prej protestuesve ne rreshtin e pare shtyhet nga disa te tjere qe te shkoje ne konfrontim me policet. Disa te tjere shkulin edhe pllakat e bulevardit duke i perdorur si arme kunder forcave te rendit. Ketu u shenuan te plagosurit e pare edhe nga radhet e protestuesve edhe nga radhet e policise. Mjaftoi vetem kaq qe pjesa tjeter e turmes te niste luften. Grupe te rinjsh permbysen te paren nje makine te policise te ciles me pas i vune flaken mbrapa lulishtes prane ures se madhe te Lanes. Gjithashtu shkaterruan edhe nje furgon te grupit te gatshem. Nje furgon i nje prej televizioneve publike u shkaterrua ne mes te ures se bulevardit dhe shishe te mbushura me benzine iu hodhen siper nga turma duke bere qe fillimisht te perfshihej nga flaket e me pas nje shperthim i fuqishem perhapi shtellunga tymi te zi ne te gjithe bulevardin. Protestuesit kerkojne me ngulm qe te cajne rrethimin e policise porten e Kryeministrise dhe te futen ne ambientet e brendshme te saj. Turma provoi qe ta arrinte kete qellim nga te gjitha anet e godines se Keshillit te Ministrave. Gjate tentatives se pare njerezit shtyne njeri-tjetrin goditen me gure e bomba Molotov forcat e policise dhe gjate goditjeve u plagos edhe zevendesdrejtori i policise se Tiranes Gjergj Jorgo. Situata u tensionua dhe ne kete moment u degjuan te shtena armesh me bresheri qe fillimisht kryheshin me fisheke manover. Por me pas u qellua ne ajer me plumba te vertete. Situata eshte renduar edhe tek Piramida dhe mbrapa Kryeministrise. Turma ka shkaterruar e me pas u ka vene flaken edhe dy furgonave te tjere te policise dhe ka shkaktuar dy vatra zjarri edhe brenda rrethimit te godines se Keshillit te Ministrave duke plagosur dhjetera police. Nga perleshja fizike mes protestuesve dhe policise jane plagosur dhe kane pesuar demtime te ndryshme ne trup edhe persona civile. Te shtena armesh kane vazhduar edhe me vone kur turma ka drejtuar nje automjet tip Benz tek porta e hekurt e Kryeministrise duke ndaluar vetem tek bordurat e vendosura nga policia pasi ka keputur zinxhiret me te cilet ishte mbyllur porta. 
BILANCI I POLICISE
Nje dite para protestes se opozites policia e Tiranes njoftoi se kishte marre te gjitha masat e nevojshme per te ruajtur rendin dhe qetesine publike per te shmangur maksimalisht incidentet ne menyre qe protesta te perfundonte paqesisht. Ne fakt vendosja dhe mobilizimi i forcave te policise u pa edhe dje se ishin mjaft korrekte. Askush nga ata nuk provokoi madje duroi edhe goditjet e para nga turma derisa kolege te tyre u plagosen disa lehte e disa edhe me rende. Ne nje deklarate zyrtare per shtyp Policia e Shtetit u shpreh mbreme se jane plagosur 17 punonjes policie te cilet jane derguar ne Spitalin Ushtarak dhe ne spitalin Nene Tereza per te marre ndihmen e nevojshme mjekesore si dhe rreth 100 punonjes te tjere policie jane lenduar. Jane djegur dhe shkaterruar plotesisht mbi 15 automjete dhe demtuar me dhjetera te tjere. Ne Spitalin Ushtarak kane mberritur 2 persona te vdekur dhe nje i plagosur rende i cili nderroi jete me pas deklaroi policia. Drejtues te Prokurorise se Tiranes dhe eksperte mjeko-ligjore kane nisur hetimet per te zbardhur rrethanat e vrasjes dhe autoret e tyre. Burime nga grupi hetimor thane mbreme se eshte kryer ekzaminimi per nje prej viktimave i cili humbi jeten nga nje plumb ne koke. Sipas raportit paraprak viktima eshte qelluar nga nje plumb i kalibrit 9 milimeter. Plaga nuk eshte tejshpuese dhe plumbi ka mbetur ne koke. Sipas grupit hetimor nga keqyrja e predhes qe i ka sjelle vdekjen njerit prej civileve rezulton se ajo eshte e deformuar cka tregon se plumbi ka goditur viktimen pasi ka bere rikoshete ne ndonje mur.
FUNDI I LUFTES
Edhe pse pjesa me e madhe e protestuesve u shperndane rreth ores 1530 nje turme e perbere kryesisht nga te rinj vazhdoi te insistonte qe te cante murin me police drejt Kryeministrise. U desh nderhyrja e drejtorit te Policise se Tiranes Saimir Mucja qe turma te qetesohej per pak momente por serish nisi sulmi me gure e shkopinj drejt forcave te rendit. Ne kete moment ishte radha e policise per kundersulm. Nuk kishte menyre tjeter per shperndarjen e turmes grupe policesh te veshur me antiplumb e skafandra shoqeruan me force dhjetera te rinj duke i goditur me shkopinj gome. Turma u terhoq nga bulevardi duke u futur ne ambientet e brendshme te dy kullave dhe bashke me ta edhe policia. Ne katin e pare u shkaterrua gjithcka derisa erdhi shoqerimi i te gjithe personave qe nuk bindeshin te largoheshin madje vazhdonin te kundershtonin policine. E ne fund per te permbyllur kete lufte qe zgjati me shume se kater ore ekspertet kriminaliste rrethuan fushebetejen per te bere keqyrjen e vendit te ngjarjes. Burime nga policia thane se jane shoqeruar ne komisariatet e Tiranes dhe ne drejtori dhjetera e dhjetera persona por ende nuk eshte firmosur ndonje urdher arresti.

ETLEVA DELIA