Këngëtarja Lauryn Hill shkon në burg, tre muaj dënim për evazion fiskal

SHBA- Këngëtarja Lauryn Hill ka filluar një dënim me tre muaj burg në Konektikat për evazion fiskal.

38-vjeçarja u dënua në muajin Maj mbi dështimin për të paguar tatimin mbi 1.8 milion dollarë të fitimeve të saj në mes të viteve 2005-07.

Një zëdhënës i Byrosë Federale të Burgjeve tha se këngëtarja ishte dërguar në një burg të sigurisë minimale në Danbury.

Pas lirimit, Hill do të jetë nën mbikëqyrjen e lirimit me kusht për një vit, me tre muajt e parë të shpenzuar e mbyllur në shtëpinë e saj.

Këngëtarja do të strehohet në Institucionin Federal të Danbury-t, ku të burgosurit jetojnë si në konvikt dhe janë të hapur e pritet që të punojnë në punë të tilla si mirëmbajtja e shërbimit të ushqimit apo të mjedisit.

Pas deklarimit fajtore vitin e kaluar, avokati i Hill kishte kërkuar shërbim prove per kengetaren, duke argumentuar se veprat e saj të bamirësë, rrethanat familjare dhe fakti se ajo i ka paguar përsëri më vonë taksat, duhet të meritojnë konsideratë.

Gjatë dënimit të saj, Hill tha se ajo kishte për qëllim për të paguar taksat, por nuk mundi pas ndarjes nga jeta publike dhe duke përfunduar karrierën e saj muzikore për të rritur fëmijët e saj.

Hill filloi të kënduarit me grupin hip-hop ‘Fugees’, si një adoleshente para se të lançonte albumin e saj debutues solo, Miseducation i Lauryn Hill, në vitin 1998. Ajo fitoi pesë çmime Grammy dhe shiti më shumë se 19 milion kopje në mbarë botën.