Këshilli i Sigurimit i bllokuar lidhur me Sirinë

Këshilli i Sigurimit i OKB-së mbetet i bllokuar lidhur me propozim rezolutën, që kritikon regjimin e Sirisë, për goditjen kundër demonstruesve anti qeveritarë.

Dështimi për të arritur konsensus në OKB, po ndodhë ndërsa regjimi i Sirisë tha se forcat e saj po i shtynin kryengritësit nëpër fshatra rreth qytetit verior, Xhisër al-Shugur, ku sipas qeverisë, janë vrarë 120 pjesëtarë të sigurisë javën e kaluar.

Raportohet se të dërguarit e Rusisë dhe Kinës në OKB të cilët kundërshtojnë çfarëdo aksioni të Këshillit të Sigurimit në Siri, nuk morën pjesë në takimin e së shtunës, që kishte për qëllim arritjen e marrëveshjes për propozim rezolutën, e cila do të mund të miratohej në Këshillin e Sigurimit, me 15 anëtarë.

Propozimi teksti i propozuar nga Britania, Franca, Gjermania dhe Portugalia, nuk do të impononte sanksione kundër Sirisë, por do ta dënonte regjimin e Bashar al-Asad, për goditjen e përgjakshme dhe do të kërkonte fillimin e dialogut me protestuesit.