Keshillimi i Karrieres, nis brenda javes

Keshillimi i Karrieres, eshte nje nder pikat kyce ku do te konsistoje zhvillimi i fushates se keshillimit te karrieres, qe do te nise ne shkollat e mesme. Duke filluar nga kjo jave, ne te gjitha shkollat e mesme te kryeqytetit do te shperndahen grupe ekspertesh te matures shteterore per informimin e maturanteve ne lidhje me percaktimin e sakte te degeve qe do te listojne kur te plotesojne formularin e preferencave. Fushata e keshillimit do te zgjase deri ne mbyllje te vitit shkollor, pra deri me 22 maj. Me pas nis faza e pergatitjeve per provimet e detyruara, qe do te jepen ne fillim te qershorit sipas datave te percaktuar dhe dhenia e provimeve me zgjedhje, qe do te jete per te gjithe maturantet ne nje dite, perkatesisht me 10 korrik. Komisioni shkollor i Matures Shteterore nje dite pas perfundimit te vitit shkollor, njofton cdo nxenes per numrin e regjistrimit, i cili do te jete dhe kodi i identifikimit per provimet. Megjithate, nje dite para mbylljes se vitit shkollor ky komision, evidenton edhe nxenesit mbetes dhe njofton zyrtarisht komisionet e ngritura ne drejtorite arsimore nje dite pas mbylljes se vitit shkollor. Keto te dhena hidhen ne format elektronik prane AVA-se. Nderkaq, plotesimi i formularit A-2, ne te cilin listohen deget e fakulteteve ku maturantet duan te ndjekin studimet e larta, do te nise gjate muajit qershor. Per plotesimin e tyre do te kete nje afat te caktuar kohor prej rreth dy javesh. Nderkohe eshte percaktuar se dorezimi i ketyre formulareve te plotesuar prane AVA-se nga drejtorite arsimore do te behet deri me daten 2 korrik. Pas kesaj date, nis procesi i hartimit te testeve per provimet e lendeve me zgjedhje.