Kina alarmon Pentagonin me posedimin e një superrakete

Pentagoni është vënë në alarm, pasi dyshohet se Kina zotëron një superraketë e cila është në gjendje të mbysë një aeroplanmbajtëse bërthamore vetëm me një të goditur. Aeroplanmbajtëset amerikane mund të goditen që nga distanca prej 2 mijë kilometrash.

Faqja zyrtare e Akademisë së Marinës Amerikane publikon këtë fakt, duke deklaruar se i gjithë Pentagoni është vënë në alarm. Raketa kineze mund të prishë ekuilibrat e vendosur në ujërat aziatike, ku përballjet amerikane dhe kineze kanë qenë të shpeshta.