Klinsmann nuk shkon në Tottenham

Të hënën flitej se Jurgen Klinsmann në fund të sezonit mund ta marrë pozitën e trajnerit të Tottenhamit, duke e zëvendësuar Harry Redknappin, i cili mund të emërohet selektor i përfaqësueses angleze.

Por, selektori aktual i SHBA-ve e ka hedhur poshtë një mundësi të tillë.

“Jam i kënaqur në SHVA dhe i angazhuar në përgatitjet për Botëror”, ka bërë të ditur trajneri gjerman, i cili duket se nuk e ka ndërmend të lëvizë nga Shtetet e Bashkuara të Amerikës.