Klinton: NATO duhet të bashkëpunojë me Rusinë

Bruksel - NATO duhet të bashkëpunojë më thellë me Rusinë. Ky është mesazhi që Sekretarja amerikane e Shtetit, Hillary Clinton dha sot nga Brukseli. Sipas saj, "ka ardhur ora e realizmit" dhe se me Moskën "duhet ecur përpara", duke i hapur dritën e gjelbër rifillimit të marrëdhënieve zyrtare mes NATO-s dhe Rusisë. "Edhe pse disa e perceptojnë Këshillin NATO-Rusi si një shpërblim apo një lëshim bërë Rusisë, ai duhet të konsiderohet si një mekanizëm dialogu mbi temat e mosmarrëveshjeve dhe si një platformë bashkëpunimi që është në interesin tonë", deklaroi shefja e diplomacisë amerikane në fjalimin e saj të parë përpara Atlantikut të Veriut. "Është koha të ecim përpara, të mos qëndrojmë në vend me iluzionin se gjërat do të ndryshojnë vetë", shtoi ajo.