Klinton përsërit mbështetjen për Kosovën

Sekretarja amerikane e Shtetit, Hillari Klinton ka uruar Hashim Thaçin për rizgjedhjen në postin e kryeministrit të Kosovës.

Në mesazhin e urimit Klinton vlerëson angazhimin e Prishtinës në dialogun me Serbinë, si një nga mënyrat që ndihmon përmbushjen e aspiratave euro-atlantike të Kosovës.

"Shtetet e Bashkuara të Amerikës do të vazhdojnë të mbështesin përpjekjet e Kosovës për të realizuar të drejtat dhe përgjegjësitë e saj si anëtare sovrane dhe e pavarur e bashkësisë ndërkombëtare", thuhet në mesazhin e shefes së diplomacisë amerikane.