Klosi: Kartat e identitetit, ne dore te njerezve manipulatore
Partia Socialiste shprehet e vendosur per te mos rene pre e perpjekjeve te qeverise dhe Kryeministrit Sali Berisha per manipulimin e zgjedhjeve te ardhshme parlamentare. Per kete arsye, selia roze, permes sekretarit te saj te organizimit, Blendi Klosi, denoncoi korrupsionin ne procesin e pajisjes se shqiptareve me karta identiteti. Madje, Klosi shkoi me tej, duke drejtuar dhe akuza konkrete ndaj zevendesministrit te Brendshem, Ferdinand Pone. "Kerkohet te realizohet nje regjister kombetar ne kushtet e plota te mungeses se zgjidhjeve teknike. Ne kushtet e plota te injorances administrative. Ne kushtet e plota te nje amullie dhe mosfunksionimi te administrates publike shqiptare", akuzoi Klosi. Por, duke kaluar ne akuza, Klosi u shpreh se "ky proces mos t'u lihet ne dore personave te akuzuar, qofte nga opozita shqiptare ne keto 17 vjet per manipulime, behet fjale ketu per zv.ministrin e Brendshem, Ferdinand Pone dhe po ashtu per ish- zv.ministrin e Transporteve, perfaqesues politik te PD, si drejtor i zyres se gjendjes civile, Armand Teliti". Sipas tij, keta persona konsiderohen si persona te manipulimit politik te Regjistrit Kombetar te votuesve. Ndersa per procesin e kartave te identitetit, Klosi vuri ne dukje se "kerkojme nje zgjidhje perfundimtare te procesit te kartave te identitetit, pasi jane ofruar ne tenderin e fundit vetem kompani, qe sjellin dhe shesin nje mall, duke gjykuar mbi inkompetencen e qeverise per te realizuar nje proces sa me transparent dhe sa me te shpejte ne kohe, duke shtyre kete proces ne nje proces me kosto shume te larte".
O.Xhilaga