Klosi: Zgjerimi i Asamblese, si do te ndryshoje statuti Rozeta Rapushi

Partia Socialiste zhvillon sot Kongresin, ku priten nje sere ndryshimesh nga kryetaret e saj ne rrethe dhe qe do te shtrihet me vone deri ne perberjen e Kryesise se PS-se. Sekretari Organizativ ne seline roze, Blendi Klosi zbardhi dje ndryshimet qe priten pas zhvillimit te ketij Kongresi te PS-se. Fillimisht sipas Klosit, ne mbledhjen e sotme te Kongresit, do te propozohen ndryshimet qe do te behen ne statutin e Partise Socialiste. Me hyrjen ne fuqi te statutit, do te zhvillohen menjehere zgjedhjet e rrethit. "Statuti i ri i Partise Socialiste, i cili i propozohet sot ne Kongres, i ben kryetaret e rretheve drejt per se drejti anetare te Asamblese Kombetare te PS-se, duke i dhene keshtu nje force me te madhe kesaj Asambleje, me perfaqesim direkt nga baza e PS", sqaroi Klosi. Sipas tij, zeri i socialisteve ne te gjithe Shqiperine, do te vije me pas per rrjedhoje direkt nga keta perfaqesues ne Asamblene Kombetare te PS-se. Klosi shtoi se ne kongresin e sotem, do te behen publike per te paren here edhe kerkesat dhe pretendimet e Partise Socialiste per ndryshimet qe duhet te behet ne Kodin Zgjedhor. Nje nder ndryshimet kryesore, sipas tij, eshte edhe perfshirja e te gjithe emigranteve ne votimet e zgjedhjeve te ardhshme. "Zgjedhjet e fundit parlamentare, treguan qe do te duhej te kishte ndodhur votimi i emigranteve shqiptare, ne nje menyre ose nje tjeter, duhej te ishte gjetur nje zgjidhje", tha Klosi, duke shtuar qe kjo duhet te realizohet ne zgjedhjet e ardhshme dhe se Partia Socialiste do te beje publike formulen e saj, se si mund te realizohet. Nderkohe qe pjese e diskutimeve dhe debatit ne kongres do te jete pa diskutim edhe protesta e selise roze dhe opozitareve per voten e lire dhe njekohesisht situata ekonomike ne vend. Klosi shtoi se problemet ekonomike qe rendojne mbi shqiptaret dhe protestat si reagim opozitar do te jene kryefjale e kongresit ne hapje te tij. Sekretari Organizativ i PS-se, tha se zhvillimi i ketij Kongresi, do te karakterizohet nga nje fryme diskutimesh mbi te cilat funksionon nje parti politike. Ne kete Kongres te Partise Socialiste, pritet te diskutohet edhe pse jo te vendoset, mbi qendrimin e vazhdueshem qe deputetet socialiste do te kene ndaj Kuvendit. Nderkohe qe ne ndryshimet ne statutin e Partise Socialiste, nuk do te perfshihet pika e cila e ndalon kryetarin e kesaj force politike, qe ne rast se humb zgjedhjet nuk ka te drejte te rikandidoje me per postin e kryetarit te partise. Nderkohe qe Kongresi duket se nuk do te kete ndonje nisme, qe te kerkoje te zyrtarizohet per ndryshime ne strukturat drejtuese te partise. Duket se levizjet do te tentohen te shmangen kete here, duke mos dashur te anashkalohet vemendja e opinionit publik nga protesta e radhes, ajo e 30 prillit ne bulevardin kryesor te Tiranes.