Klubi i Tiranës tani financohet vetëm nga Refik Halili dhe Shefikat Ngjela

Tiranë (Start)- Katërshja e donatorëve të Tiranës tashmë është përgjysmuar, duke mbetur vetëm Halili dhe Ngjela. Shpërbërja mësohet të ketë ndodhur që në muajin korrik. Halili në një deklaratë ka deklaruar se Avni Nuri është larguar për mosmarrëveshje të brendshme, ndërsa Papuli ka borxhe tek klubi i futbollit.

Futbollistët bardheblu nuk do të kenë probleme me kontratat e tyre, pasi në dispozicion të klubit është një fond i paprekshëm, shprehet presidenti Halili. Tirana është klubi më i suksesshëm në futbollin shqiptar, dhe aktualisht e mbylli fazën e parë të kampionatit në vendin e parë.