Adriano nuk do të aktivizohet as në ndeshjen me Portugalinë

Brazilia (Start)- Adriano nuk mbetet jashtë vetëm tek Interi, por edhe me përfaqësuesen e tij, Brazilin. Në Itali janë problemet e tij me trajnerin Murinjo, ato që kanë sjellë mosaktivizimin e tij në ndeshjet e fundit.

Me përfaqësuesen “Seleçao” gjërat nuk po shkojnë edhe aq keq për “Perandorin”, i cili është grumbulluar nga Dunga për përballjen me Portugalinë, por sulmuesi pritet të mos aktivizohet në këtë miqësore.

Tekniku Karlos Dunga pritet të aktivizojë zikaltërit e tjerë, Hulo Sezarin dhe Maikonin. Në repartin e avancuar pritet të aktivizohet Luis Fabiano dhe Robinjo. Përpara tyre më i tërhequr do të luajë futbollisti i Milanit, Rikardo Kaka’.

Ndeshja do të luhet në orën 01:00, pas mesnate.

Formacioni i mundshëm i Brazilit kundër
Portugalisë:

Portier
Hulio Sezar

Mbrojtës
Maikon
Tiago Silva
Luisao
Kleber

Mesfushorë
Elano
Xhilberto Silva
Anderson

Sulmues
Kaka’
Luis Fabiano
Robinjo