Koci: Do te drejtoj partine deri ne kongres
Sekretariati i Partise Socialiste te Vertete '91, shqyrtoi diten e djeshme situaten aktuale politike dhe nevojen e vendosjes se rendit statutor dhe organizativ, pas strukturimit te pavarur nga PSV 91, te nje levizjeje politike e disa prej ish-anetareve ne Kryesine e partise. Gjate kesaj mbledhje, e cila u drejtua nga kryetari ne detyre, Petro Koci, u diskutua per mbledhjen institucionale te KPD, qe pritet te mbahet se shpejti dhe per plotesimin me anetare te rinj, te Kryesise Kombetare te Partise. Koci theksoi se nuk kishte asnje arsye serioze politike qe te conte ne veprimet antistatutore dhe antiinstitucionale, te disa kolegeve ne PSV '91. Gjithsesi, ai pranoi se kjo deshmon krizen ne te cilen eshte futur politika ne pergjithesi, pas zgjedhjeve me kete Kod perjashtues te 28 qershorit. Koci pranoi te vazhdoje detyren e kryetarit te partise deri ne rivendosjen e plote te normalitetit statutor ne parti dhe zgjedhjen institucionale te kryetarit te ri. "Kam deklaruar doreheqjen dhe do respektoj pa hezitim qendrimin tim pas zgjedhor per kete ceshtje", u shpreh kreu ne detyre i PSV '91, gjate mbledhjes. Ai theksoi se PSV '91 dhe e majta tashme kane nevoje per sjellje dhe veprime konstruktive.