Zjarret, ndjekje penale per alarmet false

Gjirokaster-Sherbimet zjarrefikese do te cojne per ndjekje penale te gjithe ata persona qe telefonojne duke dhene alarme te rreme per zjarr. Gjate punes se tyre ne kete sezon te nxehte dhe me vatra problematike zjarresh, efektivat zjarrfikes ne qarkun e Gjirokastres kane patur si shqetesim edhe telefonatat qe kane servirur informacin te rreme per vatra zjarri. Sipas perfaqesuesve te sherbimit zjarrfikes ne Gjirokaster, ne shume raste njerez te papergjegjshem kane marre ne telefonin e emergjences, duke dhene informacion te rreme, ne lidhje me renien e zjarreve, thjesht per t'u argetuar. Nga ana e inspektoreve zjarrfikes gjate kesaj vere jane identifikuar 166 telefonata ne rang qarku, te cilat kane servirur informacion te rreme per zjarrfikesit ne lidhje me zjarret. "Per vete rrezikshmerine qe paraqesin vatrat e zjarrit, ne jemi te detyruar te verifikojme cdo informacion. Edhe ne rastin e ketyre telefonatave ne kemi shkuar ne vendngjarje duke shpenzuar kohe dhe energji, por nuk kemi ndeshuar asnje vater zjarri", thone perfaqesuesit e sherbimit zjarrfikes. Ne bashkepunim edhe me prokurorine e Gjirokastres, zjarrfikesit kane identifikuar disa prej numrave te telefonave qe kane serviruar informacion te rreme. Jane rreth 20 raste te ketyre lloj telefonatash, per te cilat jane hapur dosje penale per ndjekje te metejshme ligjore.